ଟାଇଗର ଶ୍ରଫଙ୍କ ସହ ସ୍କ୍ରିନ୍ ସେୟାର କରିବେ ରଶ୍ମିକା

ନୂଆଦିଲ୍ଲୀ : ବାଗି ଷ୍ଟାର୍ ଟାଇଗର୍ ଶ୍ରଫଙ୍କ ସହ ଆଉ ଏକ ହିନ୍ଦୀ ପ୍ରୋଜେକ୍ଟରେ ନଜର ଆସିବେ ‘ପୁଷ୍ପା’ ଫେମ୍ ରଶ୍ମିକା ମନ୍ଦନା । ଫିଲ୍ମର ଟାଇଟଲ୍ ‘ସ୍କ୍ର୍ୟୁ ଢିଲା’ । ନିର୍ଦ୍ଦେଶନା ଦାୟିତ୍ୱରେ ଅଛନ୍ତି ଶଶାଙ୍କ ଖୈତାନ । ଟାଇଗର୍ଙ୍କ ଚରିତ୍ର ଯେଉଁଭଳି, ତାକୁ ନେଇ ଫିଲ୍ମର ଟାଇଟଲ୍ ସ୍ଥିର କରାଯାଇଛି ।ପ୍ରଡକ୍ସନ୍ ହାଉସର ପ୍ରତ୍ୟେକ ସଦସ୍ୟ ଏହି ଟାଇଟଲକୁ ନେଇ ଖୁବ୍ ଉତ୍ସାହିତ ଅଛନ୍ତି । ଭାରତ ଓ ବାହାରେ ଫିଲ୍ମର ସୁଟିଂ ହେବ । ପ୍ରଥମ ସିଡ୍ୟୁଲ୍ ୟୁରୋପରେ ସୁଟିଂ ହେବ । ଉଭୟ ରଶ୍ମିକା ଓ ଟାଇଗର ଏହି ସିଡ୍ୟୁଲ୍ରେ ଯୋଗ ଦେବେ । ଏ ପ୍ରକାର କାହାଣୀରେ ଟାଇଗର୍ କେବେ ଅଭିନୟ କରିନାହାନ୍ତି ବୋଲି ଚର୍ଚ୍ଚା ହେଉଛି । ରଶ୍ମିକାଙ୍କର ମଧ୍ୟ ଏହା ପ୍ରଥମ ଅନୁଭବ । ଟାଇଗର୍ଙ୍କ ସହ ଏହା ତାଙ୍କର ପ୍ରଥମ ଯୋଡ଼ି । କାହାଣୀ ମଧ୍ୟ ସମ୍ପୂର୍ଣ୍ଣ ଭିନ୍ନ । ଆସନ୍ତା ବର୍ଷ ମଧ୍ୟଭାଗରେ ଫିଲ୍ମଟି ମୁକ୍ତିଲାଭ କରିବ । ଫିଲ୍ମ ‘ପୁଷ୍ପା’ ପରେ ରଶ୍ମିକାଙ୍କ ପାଖକୁ ଅନେକ ମଜାଦାର ଅଫର୍ ଆସୁଛି ।