ୱାଶିଂଟନ: ଆମେରିକା ରାଷ୍ଟ୍ରପତି ଜୋ ବାଇଡେନ କୋରୋନାରେ ସଂକ୍ରମିତ ହୋଇଛନ୍ତି । ସେ କୋରୋନା ଟିକାର ଦୁଇଟି ବୁଷ୍ଟର ଡୋଜ ନେଇଥିଲେ ହେଁ ସଂକ୍ରମଣର ଶିକାର ହୋଇଛନ୍ତି । ହ୍ବାଇଟ ହାଉସ ପକ୍ଷରୁ ଏହି ସୂଚନା ଦିଆଯାଇଛି । ୭୯ ବର୍ଷୀୟ ରାଷ୍ଟ୍ରପତି ବାଇଡେନଙ୍କ ଠାରେ ସାମାନ୍ୟ ଲକ୍ଷଣ ଦେଖାଯାଇଛି ।
ସେ ଡାକ୍ତରଙ୍କ ପରାମର୍ଶକ୍ରମେ ଏବେ ଆଣ୍ଟିଭାଇରାଲ ମେଡିସିନ ଖାଉଛନ୍ତି । ବାଇଡେନ ସୁସ୍ଥ ନ ହେବା ପର୍ଯ୍ୟନ୍ତ ଅଲଗା ରହି କାର୍ଯ୍ୟ କରିବେ । ହ୍ବାଇଡ ହାଉସ୍ ପ୍ରେସ ସେକ୍ରେଟାରୀ ଏକ ବିବୃତ୍ତି ଜରି କରି ଏ ସମ୍ପର୍କରେ ଜଣାଇଛନ୍ତି । ଜୋ ବାଇଡେନ କୋରୋନା ସଂକ୍ରମିତ ଥିବା ଜଣାପଡିବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କର ଆଶୁ ଆରୋଗ୍ୟ କାମନା କରିଛନ୍ତି ।
