ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜିଠାରୁ ତିନିଦିନିଆ ଗୁଜରାଟ ଗସ୍ତରେ ଯିବେ । ଏହି ଅବସରରେ ସେ କେତେକ କାର୍ଯ୍ୟକ୍ରମରେ ଯୋଗଦେବେ । ଆସନ୍ତାକାଲି ସନ୍ଧ୍ୟା ସାଢ଼େ ୫ଟାରେ ଅହମ୍ମଦାବାଦ୍ରେ ପହଞ୍ଚିବା ପରେ ପ୍ରଧାନମନ୍ତ୍ରୀ ସନ୍ଧ୍ୟା ୬ଟାରେ ଗାନ୍ଧୀନଗରର କମାଣ୍ଡ୍ ଆଣ୍ଡ୍ କଣ୍ଟ୍ରୋଲ୍ ସେଣ୍ଟର୍ ଯିବେ । ରାଜଭବନରେ ରାତ୍ରୀ ଯାପନ କରିବେ ବୋଲି ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ (ପିଏମ୍ଓ) ପକ୍ଷରୁ କୁହାଯାଇଛି । ଏପ୍ରିଲ୍ ୧୯ ତାରିଖରେ ବନାସକଣ୍ଠାର ଦିୟୋଦରସ୍ଥିତ ବନାସ ଡାଏରୀ ପ୍ୟାକେଜ୍ ଅନ୍ତର୍ଗତ ବିଭିନ୍ନ ବିକାଶ ପରିଯୋଜନାର ଲୋକାର୍ପଣ ଓ ଶିଳାନ୍ୟାସ କରିବେ । ଏହାପରେ ମୋଦୀ ଦିୟୋଦରରେ ଆୟୋଜିତ ଏକ ଜନସଭାକୁ ସମ୍ବୋଧିତ କରିବା କାର୍ଯ୍ୟକ୍ରମ ରହିଛି ।
ଏହାପରେ ଅପରାହ୍ଣ ୧.୨୦ରେ ଜାମନଗରରେ ବିଶ୍ୱ ସ୍ୱାସ୍ଥ୍ୟ ସଂଗଠନ (ହୁ) ପାରମ୍ପରିକ ଔଷଧ କେନ୍ଦ୍ରର ଶିଳାନ୍ୟାସ କରିବେ । ଏହି ଅବସରରେ ମରିସସ୍ ପ୍ରଧାନମନ୍ତ୍ରୀ ପ୍ରବୀନ୍ଦ କୁମାର ଜଗନ୍ନାଥ ଓ ହୁ’ ମହାନିର୍ଦ୍ଦେଶକ ଟେଡ୍ରୋସ୍ ଗେବ୍ରେୟସସ୍ ମଧ୍ୟ ଉପସ୍ଥିତ ରହିବେ । ୨୦ ତାରିଖରେ ମହାତ୍ମା ମନ୍ଦିର କାର୍ଯ୍ୟକ୍ରମରେ ସାମିଲ ହେବା ପରେ ଗାନ୍ଧୀନଗରରେ ଗ୍ଲୋବାଲ୍ ଆୟୁଷ ଇନ୍ଭେଷ୍ଟମେଣ୍ଟ୍ ଆଣ୍ଡ୍ ଇନୋଭେସନ୍ ସମ୍ମିଳନୀର ଉଦ୍ଘାଟନ କରିବେ। ୨ଟା ବେଳେ ଦାହୋଦରେ ଆଦିଜାତି ମହାସମ୍ମିଳନୀରେ ଭାଗନେବା ସହ ବିଭିନ୍ନ ବିକାଶ ଯୋଜନାର ଲୋକାର୍ପଣ ଓ ଶିଳାନ୍ୟାସ କରିବେ । ଏହାପରେ ସନ୍ଧ୍ୟା ୬.୧୬ରେ ଅହମ୍ମଦାବା ବିମାନବନ୍ଦରୁ ଦିଲ୍ଲୀ ପ୍ରତ୍ୟାବର୍ତ୍ତନ କରିବେ ।
