କର୍ଣ୍ଣାଟକ: କର୍ଣ୍ଣାଟକର ବ୍ୟାନରଘାଟା ଜାତୀୟ ଉଦ୍ୟାନରୁ ଏକ ଛାତିଥରା ଭିଡିଓ ସାମ୍ନାକୁ ଆସିଛି । ଭିଡିଓରେ ବାଘ କେତେ ଶକ୍ତିଶାଳୀ ତାହା ଦର୍ଶାଯାଇଛି । ଶିଳ୍ପପତି ଆନନ୍ଦ ମହିନ୍ଦ୍ରା ଟ୍ୱିଟରରେ ସେୟାର କରିଥିବା ଏହି କ୍ଲିପ୍ରେ ଗୋଟିଏ ବାଘ ପର୍ଯ୍ୟଟକଙ୍କ ଥିବା ଏକ ଏସୟୁଭି କାର ଟାଣି ନେଉଥିବାର ଦେଖାଯାଇଛି । ଅନ୍ୟ ଏକ ଗାଡିରେ ଥିବା ପର୍ଯ୍ୟଟକମାନେ ଏହି ଅସ୍ୱାଭାବିକ ଦୃଶ୍ୟର ସୁଟିଂ କରୁଥିବା ସମୟରେ ଚିତ୍କାର କରୁଥିବା ଶୁଣିବାକୁ ମିଳିଥିଲା, “ହେ ଭଗବାନ ସେ ପୁରା କାରକୁ ଟାଣି ନେଉଛି ।”
ଏହି ଭିଡିଓରେ ଦର୍ଶାଯାଇଛି ଯେ ମହିନ୍ଦ୍ରା ଜାଇଲୋ ଏସୟୁଭିର ପଛ ବମ୍ପର ଉପରେ ବଡ ମହାବଳ ବାଘ ବାରମ୍ବାର କାମୁଡ଼ୁଛି। ବମ୍ପର କୁ କାମୁଡି କାରକୁ ପଛକୁ ଟାଣିବାରେ ସଫଳ ହେଉଛି । ରାସ୍ତାରେ ଠିଆ ହୋଇଥିବା ଅନ୍ୟ ଏକ କାରରେ ପର୍ଯ୍ୟଟକମାନେ ପୁରା ଦୃଶ୍ୟର ସୁଟିଂ କରିଥିଲେ।
Going around #Signal like wildfire. Apparently on the Ooty to Mysore Road near Theppakadu. Well, that car is a Xylo, so I guess I’m not surprised he’s chewing on it. He probably shares my view that Mahindra cars are Deeeliciousss. 😊 pic.twitter.com/A2w7162oVU
— anand mahindra (@anandmahindra) December 30, 2021
