ପୋଲ ନିକଟରୁ ୨ ମୃତଦେହ ଉଦ୍ଧାର 

ଯାଜପୁର : ଯାଜପୁର ଜିଲ୍ଲା ପାଣିକୋଇଲି ଥାନ ଅନ୍ତର୍ଗତ ସୋତି ଟୋଲ ଗେଟ ପାଖ ୧୬ନଂ ଜାତୀୟ ରାଜପଥ ଲଭ ଷ୍ଟେସନ ହୋଟେଲ ପାଖରେ ଥିବା ଏକ ପୋଲ ନିକଟରେ ଦୁଇଟି ମୃତଦେହ ଉଦ୍ଧାର ଉଦ୍ଧାର କରାଯାଇଛି l ପାଣିକୋଇଲି ଥାନା ୧୬ ନମ୍ବର ଜାତୀୟ ରାଜପଥ ଟୋଲ ଗେଟ ନିକଟ ସୋତି ନିକଟରୁ ଦୁଇଟି ମୃତ୍ୟୁ ଦେହ ଉଦ୍ଧାର,ହତ୍ୟା ସନ୍ଦେହ, ମୃତ୍ୟୁର କାରଣ ଅସ୍ପଷ୍ଟ। ସୂଚନା ମୁତାବକ ଆଜି ସକାଳୁ ସ୍ଥାନୀୟ ଲୋକେ କୌଣସି କାର୍ଯ୍ୟରେ ସୋତି ଆଡେ ଆସୁଥିଲେ। ସେଠାରେ ଦୁଇଟି ମୃତ୍ୟୁ ଦେହ ଦେଖି ପାଣିକୋଇଲି ପୋଲିସ କୁ ଖବର ଦେଇଥିଲେ। ତେବେ ପାଣିକୋଇଲି ପୋଲିସ ଘଟଣା ସ୍ଥଳରେ ପହଂଚି ମୃତ୍ୟୁ ଦେହ ଉଦ୍ଧାର କରିଛି l ସେପଟେ ମୃତ୍ୟୁ ଦେହ ପଡିଥିବା କିଛି ଦୂରରେ ବାଇକ ପଡିଥିବା ଦେଖିବାକୁ ମିଳିଛି। ତେବେ ମୃତ ଦେହ ପଡିବାର ସ୍ଥିତିକୁ ଦେଖି ହତ୍ୟା ସନ୍ଧେହ କରାଯାଉଛି । ଯୁବକ ଦୁଇ ଜଣଙ୍କରଭିତରୁ ଜଣକ ପରିଚୟ କୋରାଇ ବ୍ଲକ ଜନ୍ନାପଂଚାୟତ ର ଜନ୍ନା ଗ୍ରାମ ର ବୋଲି ଜଣା ପଡିଅଛି ତାଙ୍କ ନାମ ଅଭୟ ସାହୁ. ତାଙ୍କର ପରିବାର ଲୋକ ଆସି ଦେଖି ପରିଚୟ ପ୍ରଦାନ କରି ଅଛନ୍ତି.ଅନ୍ୟ ଜଣକ ପରିଚୟ ମିଳି ପାରି ନାହିଁ ସେମାନଙ୍କର ଆନୁମାନିକ ବୟସ ୩୦ ବର୍ଷରୁ ଉର୍ଦ୍ଧ୍ବ ହେବ ବୋଲି ଜଣାପଡୁଛି। ପୋଲିସ ଉଭୟ ମୃତ ଦେହକୁ ଯାଜପୁର ମେଡିକାଲକୁ ବ୍ୟବଛେଦ ପାଇଁ ପଠାଇ ତଦନ୍ତ ଆରମ୍ଭ କରିଛି l