ଜାଭେଲିନରେ ଆଉ ୨ ପଦକ ହାତେଇଲା ଭାରତ

ନୂଆଦିଲ୍ଲୀ: ଟୋକିଓ ପାରା ଅଲିମ୍ପିକ୍ସରେ ଭାରତକୁ ମିଳିଛି ଆଉ ୨ ପଦକ । ଜାଭେଲିନ ଥ୍ରୋରେ ଆଉ ୨ ପଦକ ହାତେଇଛି ଭାରତ । ଏଥିରେ ଦେବେନ୍ଦ୍ର ଝାଝାରିଆ ଜିତିଛନ୍ତି ରୌପ୍ୟ ପଦକ । ସେହିପରି ସୁନ୍ଦର ସିଂହ ଜିତିଛନ୍ତି ବ୍ରୋଞ୍ଚ ପଦକ । ଏହି କ୍ରମରେ ଭାରତର ପଦକ ସଂଖ୍ୟା ୭କୁ ବୃଦ୍ଧି ପାଇଛି । ଆଜି ସକାଳୁ ସକାଳୁ ଭାରତକୁ ମୋଟ ୪ଟି ପଦକ ମିଳିଛି । ଟୋକିଓ ପାରା ଅଲିମ୍ପିକ୍ସରେ ପୁରୁଷ ଡିସକସ୍ ଥ୍ରୋ’ରେ ରୌପ୍ୟ ପଦକ ଜିତିଛନ୍ତି ଯୋଗେଶ । ଯୋଗେଶ ମୋଟ୍ ୪୪.୩୮ମିଟର ଥ୍ରୋ କରିଥିଲେ । ସେହିପରି ସୁଟିଂରେ ସ୍ୱର୍ଣ୍ଣ ପଦକ ହାସଲ କରିଛନ୍ତି ଅବନୀ ଲେଖରା । ମହିଳା ୧୦ ମିଟର ଏୟାର ପିସ୍ତଲ ରାଇଫଲରେ ସେ ସ୍ୱର୍ଣ୍ଣ ପଦକ ଜିତିଛନ୍ତି । ଦୁଇଟି ପ୍ରତିଯୋଗିତାରେ ମାତ୍ର ୬୦ ମିଟର୍‌ ମାର୍କ ଥ୍ରୋ କରି ଝାଝଡ଼ିଆ ଆଜିର ପ୍ରତିଯୋଗିତା ଆରମ୍ଭ କରିଥିଲେ। କିନ୍ତୁ, ତୃତୀୟ ଥ୍ରୋ’ରେ ୬୪.୩୫ କରି ଭାରତର ପଦକ ଆଶା ଉଜ୍ଜୀବିତ କରିଥିଲେ। ପଞ୍ଚମ ଏବଂ ଷଷ୍ଠ ଥ୍ରୋ’ରେ ଭାରତୀୟ ପରା-ଆଥ୍‌ଲିଟ୍‌ (ପାରାଲିମ୍ପିକ୍ ଖେଳାଳି) ‘ଫାଉଲ୍‌ସ୍‌’ ଭାବେ ରେଜିଷ୍ଟର୍‌ ହୋଇଥିଲେ। ଏବଂ ଶେଷ ଥ୍ରୋ’ଟି ୬୧.୨୩ ମିଟର୍‌ ଭାବେ ରେଜିଷ୍ଟର୍‌ ହୋଇଥିଲା। ସୁନ୍ଦର ମଧ୍ୟ ମନ୍ଥର ଗତିରେ ଖେଳ ଆରମ୍ଭ କରିଥିଲେ, କିନ୍ତୁ ପଞ୍ଚମ ଉଦ୍ୟମରେ ସେ ୬୪ ମିଟର୍‌ ମାର୍କ ଊର୍ଦ୍ଧ୍ବକୁ ଯାଇ ମେଡାଲ୍‌ ପାଇବାକୁ ସ୍ତରକୁ ଆସିଥିଲେ। ସେହିପରି, ଫାଇନାଲ୍‌ରେ ତୃତୀୟ ଜାଭ୍‌ଲିନ୍‌ ଫିଙ୍ଗାଳି ଅଜିତ ସିଂହ ୮ମ ସ୍ଥାନରେ ରହି କୌଣସି ପଦକ ହାସଲ କରି ପାରିନାହାନ୍ତି।