ଭୁବନେଶ୍ୱର: ସେପ୍ଟେମ୍ବର ୬ ତାରିଖରୁ ଆରମ୍ଭ ହେବ ଓଜେଇଇ । ସେପ୍ଟେମ୍ବର ୬ରୁ ଆରମ୍ଭ ହୋଇ ୧୮ ଯାଏ ଚାଲିବ । ଦୈନିକ ୩ଟି ସିଫ୍ଟରେ ସିବିଟି ମୋଡେ ରେ ପରୀକ୍ଷା ହେବ । ପରୀକ୍ଷା ନେଇ ଓଜେଇଇ ଅଧ୍ୟକ୍ଷ ସୁଦୀପ ଚାନ୍ଦ ସୂଚନା ଦେଇଛନ୍ତି ।
ସୂଚନାଯୋଗ୍ୟ, ଓଜେଇଇ ପାଇଁ ଆଉ ୯ଟି ପରୀକ୍ଷା କେନ୍ଦ୍ର ପ୍ରସ୍ତୁତ କରିଛନ୍ତି ସରକାର । ଏଥିସହ ରାଜ୍ୟ ବାହାରେ ପାଟନା, ରାଞ୍ଚି ଏବଂ କୋଲକାତାରେ ମଧ୍ୟ ପରୀକ୍ଷା କେନ୍ଦ୍ର ହେବ । ରାଜ୍ୟ ଭିତରେ ହୋଇଥିବା ଅଧିକ ୯ଟି କେନ୍ଦ୍ର ହେଲା ଭବାନୀପାଟଣା, ବୌଦ୍ଧ, ଦେଓଗଡ଼, କେନ୍ଦ୍ରାପଡା, ମାଲକାନଗିରି, ନବରଙ୍ଗପୁର, ନୂଆପଡା, ପୁରୀ ଏବଂ ସୋନପୁରରେ ପରୀକ୍ଷା ହେବ ।
ସେହିଭଳି ଫର୍ମପୂରଣ ଏବଂ ଫର୍ମରେ ସଂଶୋଧନ ପାଇଁ ଅବଧିକୁ ଘୁଞ୍ଚାଯାଇଛି । ରାଜ୍ୟ ସରକାରଙ୍କର ନିଷ୍ପତ୍ତି ଅନୁଯାୟୀ ଏବେ ୩୦ଟି ଯାକ ଜିଲ୍ଲାରେ ଓଜେଇଇ ପରୀକ୍ଷା ଅନୁଷ୍ଠିତ ହେବ । କୋଭିଡ କଟକଣା ପାଇଁ ରାଜ୍ୟ ସରକାର ଏଭଳି ନିଷ୍ପତ୍ତି ନେଇଛନ୍ତି ।
