କେନ୍ଦ୍ରାପଡା: କରୋନା ମହାମାରୀର ଦ୍ୱିତୀୟ ଲହରରେ ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କ ପ୍ରଦତ୍ତ କୋଭିଡ୍ କଟକଣାକୁ ସମ୍ମାନ ଜଣାଇଛନ୍ତି କେନ୍ଦ୍ରାପଡାର ଇସଲାମ ଧର୍ମୀ । କୋଭିଡ୍ କଟକଣା ଅନୁଯାୟୀ କେନ୍ଦ୍ରାପଡା ସହରରେ ପବିତ୍ର ଇଦ ପର୍ବ ପାଳନ କରିଛନ୍ତି ମୁସଲିମ୍ ସମ୍ପ୍ରଦାୟ ।
ଗୋଟିଏ ମାସ ରୋଜା ରଖିବା ପରେ ମୁସଲିମ୍ ସମ୍ପ୍ରଦାୟ ସମ୍ପୁର୍ଣ୍ଣ ସାମାଜିକ ଦୂରତ୍ୱ ଅବଲମ୍ବନ କରି ଇଦ ପର୍ବରେ ସାମିଲ ହୋଇଛନ୍ତି । ଲକଡାଉନ୍ରେ ବନ୍ଦ ରହିଛି ସମସ୍ତ ମସଜିଦ୍ । ସମୁହ ନମାଜ ପାଠ ଉପରେ କଟକଣା ଥିବାବେଳେ ପରମ୍ପରା ବଜାୟ ରଖିବା ପାଇଁ ବିଭିନ୍ନ ମସଜିଦରେ ଇମାମ୍ଙ୍କ ସହ କେବଳ ୫ଜଣ ନମାଜ ପାଠ କରିଥିଲେ ।
