ଡିଭାଇଡରକୁ ପିଟି ମାମୁ ଓ ଭଣଜା ଆହତ

ବ୍ରହ୍ମପୁର :ବୈଦ୍ୟନାଥପୁର ଥାନା ଅନ୍ତର୍ଗତ ଖଡାସିଙ୍ଗି ଚେକ ଗେଟ୍ ଠାରେ ଥିବା ଡିଭାଇଡ଼ରକୁ ବାଡେଇ ହୋଇ ରାସ୍ତା ମଝି ରେ ଓଲଟି ପଡିଲା ଏକ ସ୍କୋରପିଓ ଗାଡି । ଓଡ଼ି ୩୩ ଏକ୍ସ୍ ୭୮୮୮ ସ୍କୋରପିଓ ଗାଡ଼ି ଟି ଭୁବନେଶ୍ୱର ମେଡିକାଲ ରୁ ଦିଗପହଣ୍ଡି ଫେରୁଥିବା ବେଳେ ଭର ୩ଟା ବେଳେ ଖଡାସିଙ୍ଗି ଚେକ ଗେଟ୍ ଠାରେ ଥିବା ଡିଭାଇଡ଼ରକୁ ବାଡେଇ ହୋଇ ଦୁର୍ଘଟଣା ର ସ୍ବୀକାର ହୋଇଥିଲେ ମାମୁ ଓ ଭଣଜା। ସୂଚନାଯୋଗ୍ୟ,  ଗାଡି ମାମୁ ଚାଲୁଥିବା ବେଳେ ହଠାତ୍ ମାମୁର ଆଖି ଲାଗିଯିବାରୁ ଯୋଗୁଁ ଏହିପରି ଦୁର୍ଘଟଣା ହୋଇଥିବା ଭଣଜା କହିଛି । ତେବେ ଏହା ଦେଖି ନାଇଟ୍ କର୍ଫ୍ୟୁରେ ପେଟ୍ରୋଲିଂ କରୁଥିବା କିଛି ପୋଲିସ କର୍ମଚାରୀ ଓ ଚେକ ଗେଟ୍ କର୍ମଚାରୀମାନେ ସ୍କୋରପିଓ ଗାଡିର କାଚ ଭାଙ୍ଗି ଦୁହେଁଙ୍କୁ ଉଦ୍ଧାର କଲା ବେଳେ ଥାର୍ଡ ଓଏସଓପି ବାଟାଲିୟନ ପୋଲିସର ବାବୁ କୁମାର ସାହୁଙ୍କ ହାତରେ କାଚ ପସି ସାମାନ୍ୟ ଆହତ ହୋଇଥିବା ଜଣାପଡିଛି । ଘଟଣା ସ୍ଥଳେ ବୈଦ୍ୟନାଥପୁର ଥାନା ପୋଲିସ ପହଞ୍ଚି ଆହତମାନଙ୍କୁ ବ୍ରହ୍ମପୁର ଏମକେସିଜି ମେଡିକାଲ କୁ ଚିକିତ୍ସା ନିମନ୍ତେ ଭର୍ତ୍ତି କରାଯାଥିଲା। ପରେ ରାସ୍ତା ମଝିରେ ବାଡେଇ ହୋଇଥିବା ଏହି ସ୍କୋରପିଓ ଗାଡିକୁ କେନ୍ ଗାଡ଼ି ମାଧ୍ୟମରେ ସାଇଡ଼ କରି ଟ୍ରାଫିକ ଥାନାକୁ ନିଆଯାଇଥିବା ଜଣାପଡ଼ିଛି ।