ଭୁବନେଶ୍ୱର : ଦୁଇଟି ପୃଥକ ସ୍ଥାନରୁ ୪ଜଣ ବ୍ୟବସାୟୀଙ୍କୁ ଗିରଫ କରାଯାଇଛି । କମିସନରେଟ ପୁଲିସର କ୍ୟୁଏଟି ଟିମ୍ ଓ ବାଲିଅନ୍ତା ଥାନା ପୁଲିସ ମିଳିତ ଭାବେ ଚଢଉ କରି ୨ ଜଣଙ୍କୁ ଗିରଫ କରିଥିବାବେଳେ ଖୋର୍ଦ୍ଧା ଜଙ୍କିଆ ପୁଲିସ ଛଣଗିରି ନିକଟରୁ ୨ଜଣଙ୍କୁ ଗିରଫ କରିଛି । କମିସନରେଟ ପୁଲିସର କ୍ୟୁଏଟି ଟିମ୍ ଓ ବାଲିଅନ୍ତା ଥାନା ପୁଲିସ ମିଳିତ ଭାବେ ଚଢଉ କରି ଆଜି ଦୁଇଜଣ ବ୍ରାଉନସୁଗାର ବ୍ୟବସାୟୀଙ୍କୁ ଗିରଫ କରିିଛି । ଗିରଫ ଦୁଇ ଅଭିଯୁକ୍ତ ହେଲେ ବାଲିଅନ୍ତା ଥାନା ଜଗନ୍ନାଥପୁରର ବାପି ନାୟକ ଓରଫ୍ ଭଞ୍ଜ(୨୭) ଓ ହଳଦିପଡ଼ିଆ ବସ୍ତିରେ ରହୁଥିବା ବାଲେଶ୍ୱର ଜିଲ୍ଲା ସୋର ଥାନା ଅଧୀନ ଅନନ୍ତପୁରର ଶେଖ୍ ଜାମ୍େସଦ(୩୦) । ସେମାନଙ୍କ ଠାରୁ ୨୨୫ ଗ୍ରାମ ବ୍ରାଉନସୁଗର ଜବତ କରାଯାଇଛି ଯାହାର ଆନୁମାନିକ ମୂଲ୍ୟ ୨୫ ଲକ୍ଷ ଟଙ୍କା ହେବ ବୋଲି ସୂଚନା ମିଳିଛି ।
ଏହାଛଡ଼ା ନଗଦ ୪୮ ହଜାର ୫୩୦ ଟଙ୍କା, ଦୁଇଟି ବାଇକ୍ ଓ ଚୋରାଟି ମୋବାଇଲ୍ ଜବତ କରିଛି । ସେମାନଙ୍କୁ ଶନିବାର କୋର୍ଟ ଚାଲାଣ କରାଯାଇଛି । ଜାମିନ୍ ନାମଞ୍ଜୁର ହୋଇଯିବାରୁ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି ।ନେଇ ବାଲିଅନ୍ତା ଥାନାରେ ଏକ ମାମଲା ରୁଜୁ ହୋଇଛି । ସୂଚନା ଅନୁଯାୟୀ, ଦୀର୍ଘ ୪ ବର୍ଷ ହେଲା ଜାମେସଦ୍ ବାଲେଶ୍ୱର ସୋରରୁ ବ୍ରାଉନସୁଗର ଆଣି ଭୁବେନଶ୍ୱରରେ ସ୍ଥାନୀୟ ବ୍ୟବସାୟୀଙ୍କ ସହ ମିଶି କାରବାର କରେ । ଗିରଫ ହୋଇଥିବା ଅନ୍ୟ ଅଭିଯୁକ୍ତ ବାପି ସହ ମଧ୍ୟ ମିଶି ରାଜଧାନୀରେ ସେ ବ୍ରାଉନସୁଗର କାରବାର କରୁଥିଲା ।
ତେବେ ଶନିବାର ଭୋର ଟ୍ରେନରେ ବାଲେଶ୍ୱର ଜିଲ୍ଲା ସୋର ଥାନା ଅଞ୍ଚଳରୁ ଉପରୋକ୍ତ ପରିମାଣର ବ୍ରାଉନସୁଗାର ଆଣି ସେମାନେ ଭୁବନେଶ୍ୱର ଷ୍ଟେସନରେ ପହଞ୍ଚିଥିଲେ । ସେଠାରୁ ବାଇକ ଓ ସ୍କୁଟିରେ ଦୁହେଁ ବାହାରିଥିଲେ । କୌଣସି ସୂତ୍ରରୁ ଖବର ପାଇ କ୍ୟୁଏଟି ପୁଲିସ ଟିମ ସେମାନଙ୍କୁ ପିଛା କରିଥିଲେ । ପୁଲିସ ପିଛା କରୁଥିବା ଜଶଣିପାରି ବାପି ଓ ଜାମସେଦ ଖସିଯିବାକୁ ଉଦ୍ୟମ କରିଥିଲେ । ହେଲେ ବାଲିଅନ୍ତା ଥାନା ଅଧିକାରୀଙ୍କ ତତ୍ୱାବଧାନରେ ବାଲିଅନ୍ତା ଥାନା ଅଧୀନ ଅଟଳା ରାସ୍ତାରେ ଉଭୟ ପୁଲିସ ଟିମ ସେମାନଙ୍କୁ କାବୁ କରିଥିଲା । ପୂବର୍ରୁ ବାପି ବ୍ରାଉନସୁଗର ମାମଲାରେ ଗିରଫ ହୋଇ ଜେଲ୍ ଯାଇଥିଲା ବୋଲି ପୁଲିସ ସୂତ୍ରରୁ ସୂଚନା ମିଳିଛି ।
