ଭୁବନେଶ୍ୱର : ପୁଲିସକୁ ଗାଳିଗୁଲଜ କରିବା ସହ ମାଡ ମାରିବା ଅଭିଯୋଗରେ ବାଲିଅନ୍ତା ଥାନା ପୁଲିସ ୩ଜଣକୁ ଗିରଫ କରିଛି । ଗିରଫ ଅଭିଯୁକ୍ତମାନେ ପ ଳ ଗାଁର ମନୋଜ ଭୋଇ, ପ୍ରଦୀପ୍ତ ଭୋଇ ଓ ବିଜୟ ଭୋଇ । ପୁଲିସ ଏମାନଙ୍କ ବିରୋଧରେ ଏକ ମାମଲା ରୁଜୁ କରି କୋର୍ଟ ଚାଲାଣ କରିଛି । ସୂଚନାଯୋଗ୍ୟ ଯେ, ଗତ ତା ୦୩.୦୨.୨୦୧୮ ରିଖ ସନ୍ଧ୍ୟାରେ ବାଲିଅନ୍ତା ଥାନାର ପୁଲିସ ଟୀମ ଗୋଟିଏ ମାମଲାର ତଦନ୍ତ କରିବା ପାଇଁ ପା ଳ ଗ୍ରାମକୁ ଯାଇଥିଲେ ।
ସମୟ ପ୍ରାୟ ରାତି ୮.୩୦ ସମୟରେ ଅଭିଯୁକ୍ତମାନେ ଅନ୍ୟ କିଛି ଅଭିଯୁକ୍ତମାନଙ୍କ ସହିତ ସାଙ୍ଗରେ ମାରଣାସ୍ତ୍ର ଅସ୍ତ୍ରଶସ୍ତ୍ର ଧରି ପୁଲିସ ଟୀମଙ୍କୁ ତଦନ୍ତରେ ବାଧା ଦେବା ସହ ଦୁର୍ବ୍ୟବହାର କରି ଆକ୍ରମଣ କରିଥିଲେ । ଅଭିଯୁକ୍ତମାନେ ପୁଲିସ କର୍ମଚାରୀମାନଙ୍କୁ ଆକ୍ରମଣ କରିଥିବାରୁ ସେମାନେ ଗୁରୁତର ଆହତ ହୋଇଥିଲେ । କିଛି ସ୍ଥାନୀୟ ଲୋକ ପୁଲିସ କର୍ମଚାରୀ ମାନଙ୍କୁ ଅଭିଯୁକ୍ତମାନଙ୍କ କବଳରୁ ଉଦ୍ଧାର କରି ସେମାନଙ୍କୁ ଏକ ଘରୋଇ ହସ୍ପିଟାଲକୁ ସ୍ଥାନାନ୍ତରିତ କରିଥିଲେ, ଯେଉଁଠାରେ ସେମାନେ ଚିକିତ୍ସିତ ହୋଇଥିଲେ । ବାଲିଅନ୍ତା ଥାନା ପୁଲିସ ଘଟଣାର ତଦନ୍ତ କରି ଗତ ତା ୦୬.୦୨.୨୦୧୮ ରିଖରେ ୧୦ ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଥିବା ସ୍ଥଳେ ଅଭିଯୁକ୍ତମାନେ ଗିରଫ ଭୟରେ ଫେରାର ଥିଲେ । ଆଜି ବିଶେଷ ସୂତ୍ରରୁ ଖବର ପାଇ ବାଲିଅନ୍ତା ଥାନା ପୁଲିସ ଅଭିଯୁକ୍ତମାନଙ୍କୁ ଗିରଫ କରି ଥାନାକୁ ଆଣିଥିଲେ ।
