୧୮ ବର୍ଷର ଝିଅକୁ ଦୁଷ୍କର୍ମ କଲା ନିଜ ବାପା

ନୂଆଦିଲ୍ଲୀ : ନିଜ ଜନ୍ମ କଲା ବାପା ଝିଅକୁ ଦୁଷ୍କର୍ମ କରୁଥିବା ଖବର ସାମ୍ନାକୁ ଆସିଛି ।  ଏଭଳି ଲଜ୍ଜିତ ଘଟଣା  ଉତ୍ତରପ୍ରଦେଶର  ମହୋବାର ଗାଁରେ ଘଟିଛି  । ପିଡିତା ଜଣଙ୍କ କୌଣସି ପ୍ରକାରେ  ଅମଣିଷ ବାପା କବଳରୁ  ଖସି ତାଙ୍କ ମାମୁଙ୍କ ପାଖରେ ପହଞ୍ଚିଥିଲେ ।  ଆଉ ବାପାଙ୍କ ସବୁ କଥା ମାମୁ ଆଗରେ ବଖାଣିଥିଲେ । ଏହାପରେ ପୋଲିସ ତାଙ୍କ ବାପାକୁ ଗିରଫ କରିଛି । ମହୋବା ନଗର ଅଞ୍ଚଳର  ଅଫିସର କହିଛନ୍ତି  ଅଭିଯୁକ୍ତଙ୍କ ସ୍ତ୍ରୀ ଘରୁ ବାହାରକୁ ଚାଲିଯାଇଥିଲେ ।   ତାଙ୍କ ଝିଅ ଘରେ ଏକା ଥିଲେ ।  ସୁଯୋଗ ଦେଖି ତାଙ୍କୁ ଦୁଷ୍କର୍ମ କରିଥିଲେ ।  ଘଟଣା ବିଷୟରେ କାହାକୁ ନ କହିବା ପାଇଁ ଧମକ ଦେଇଥିଲେ ।  ହେଲେ ପଡିତା ତା ମାମୁଙ୍କୁ ସବୁ କଥା କହିଦେଇଥିଲେ ।   ସେ ତୁରନ୍ତ ପୋଲିସକୁ ଖବର ଦେଇ   ପୋଲିସ ପହଞ୍ଚି ଅଭିଯୁକ୍ତକୁ ଗିରଫ କରି  ଜେଲ  ପଠାଇଛି । ଆପଣଙ୍କୁ କହି ରଖୁଛୁ ଯେ  ଫେବୃଆର ୩ରେ ଦେଓରିଆ ଜିଲ୍ଲାରେ  ସମାନ ଘଟଣା ସାମ୍ନାକୁ ଆସିଥିଲା ।  ୧୩ ବର୍ଷର ଝିଅ ନିଜ ବାପାଙ୍କ ଉପରେ  ଦୁଷ୍କର୍ମର ଅଭିଯୋଗ ଆଣିଥିଲା ।  ପୀଡିତାଙ୍କ ମାଆଙ୍କ ଅଭିଯୋଗ ପରେ  ପୋଲିସ  ଅଭିଯୁକ୍ତଙ୍କ ବାପାଙ୍କ  ବିରୁଦ୍ଧରେ ଭାରତୀୟ ଗଣ୍ଡ ସଂହିତା  ଏବଂ ଯୌନ ଅପରାଧରୁ  ଶିଶୁ ସୁରକ୍ଷା ଆଇନର ଧାରା ଅନୁଯାୟୀ ମାମଲା ରୁଜୁ କରାଯାଇଥିଲା ।  ଏହା ପରେ ପୋଲିସ ତାଙ୍କୁ ଗିରଫ କରିଛି ।   ସେହିପରି ଗତ ମାସରେ ବାଲିଆ ଜିଲ୍ଲାରେ  ଜଣେ ବାପା ତାଙ୍କ  ସ୍ତ୍ରୀଙ୍କ ଅନୁପସ୍ଥିତିରେ  ନାବାଳିକାକୁ ଦୁଷ୍କର୍ମ କରିଥିଲେ । ଝିଅର ବୟସ ୧୧ ବର୍ଷ ଥିବା ବେଳେ  ୫୧ ବର୍ଷୀୟ ବାପା ତାଙ୍କୁ ଏଭଳି ଶିକାର କରୁଥିଲେ । ଝିଅଟିଏ  ତା ଜେଜେ ମା ପାଖରେ ରହୁଥିଲା । ତାଙ୍କ ମା ସଂପର୍କୀୟଙ୍କ ଘରୁ  ଭେଟିବାକୁ ଯାଇଥିଲେ ।    ପୀଡିତା ଜଣଙ୍କ ଭୟରେ ତାଙ୍କ ମାକୁ କିଛି କହୁ ନଥିଲେ । ହେଲେ ଜାଣିବା ପରେ ତାଙ୍କ ମା   ପୋଲିସ ଆଗରେ ଅଭିଯୋଗ କରିଥିଲେ । ଅଭିଯୁକ୍ତକୁ ପୋଲିସ ଗିରଫ କରିଥିଲା ।