ଦନ୍ତା ଆକ୍ରମଣରେ ଯୁବକ ଗୁରୁତର

ଢେଙ୍କାନାଳ : ଦନ୍ତା ଆକ୍ରମଣରେ ଯୁବକ ଗୁରୁତର । ଗାଈ ଖୋଜିବାକୁ ଯାଇ ଦନ୍ତା ହାବୁଡ଼ରେ ପଡିଲେ ଯୁବକ । ଏପରି ଘଟଣା ସାମ୍ନାକୁ ଆସିଛି ଡେଙ୍କାନାଳ ଜିଲ୍ଲାର ମହାବୀରରୋଡ ରେଞ୍ଜରେ । ଗୁରୁତର ଜଣକ ଢେଙ୍କାନାଳ ମହାବୀରରୋଡ ରେଞ୍ଜ ଅନ୍ତର୍ଗତ ଟିପେଇଝରଣ ଗାଁର ବୀର ପଧାନ । ସୂଚନା ଅନୁଯାୟୀ , ବୁଧବାର ରାତିରେ ବୀର ପ୍ରଧାନ ପାଖ ଗ୍ରାମ ସୋଲଗାଁରୁ ଗାଇ ଖୋଜିବାକୁ ଯାଇଥିଲେ । ସେଠାରୁ ଫେରୁଥିବା ବେଳେ ଉକ୍ତ ଦନ୍ତା ହାତୀ ହାବୁଡ଼ରେ ସେ ପଡିଯାଇଥିଲେ । ହାତୀ ପଲ ମଧ୍ୟରୁ ଏକ ଗୋଠ ଛଡା ଦନ୍ତା ହାତୀ ଗତୁରେଇ ଗ୍ରାମ ନିକଟରେ ତାଙ୍କୁ ଆକ୍ରମଣ କରିଥିଲା । ବୀରଙ୍କ ଚିତ୍କାର ଶୁଣି ସୋଲଗାଁର ଗ୍ରାମବାସୀ ଘଟଣାସ୍ଥଳରେ ପହଞ୍ଚି ପାଟି କରି ଦନ୍ତାଟିକୁ ଘଉଡାଇ ଥିଲେ । ଏହାସହ ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ପ୍ରଥମେ ପରଜଙ୍ଗ ମେଡିକାଲରେ ଭର୍ତ୍ତି କରିଥିଲେ । କିନ୍ତୁ ତାଙ୍କ ଦେହ ଅଧିକ ଗୁରୁତର ହେବାରୁ ପରେ ତାଙ୍କୁ ଅନୁଗୁଳ ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଛି ।