ନୂଆଦିଲ୍ଲୀ : ୱିକେଣ୍ଡ ସୁଦ୍ଧା ୧୪୦ କୋଟି ବ୍ୟବସାୟ କରିଛି ଫିଲ୍ମ କେଜିଏଫ୍ ଚାପ୍ଟର ୨ । ଫିଲ୍ମ ପ୍ରଥମ ଦିନରୁ ବକ୍ସ ଅଫିସ୍ରେ ଧମାଲ କରୁଛି। ୟଶ ଏବଂ ସଞ୍ଜୟ ଦତ୍ତଙ୍କ ଯୋଡ଼ିଙ୍କୁ ଦର୍ଶକମାନେ ଖୁବ୍ ପସନ୍ଦ କରୁଛନ୍ତି। ଆଗକୁ ଏହି ଫିଲ୍ମରେ ଆହୁରି ବ୍ୟବସାୟ କରିବ ବୋଲି ଅନୁମାନ କରାଯାଉଛି। ଆସନ୍ତାକାଲି ସୁଦ୍ଧା ଫିଲ୍ମ ୧୮୦ କୋଟି ଅତିକ୍ରମ କରିବ ବୋଲି ଆଶା କରାଯାଉଛି।
ବିଦେଶରେ ମଧ୍ୟ ଫିଲ୍ମ ଜବରଦସ୍ତ ବ୍ୟବସାୟ କରିଛି। ରମେଶ ବାଲାଙ୍କ ଟ୍ଵିଟ୍ ଅନୁଯାୟୀ, ୟୁଏସ୍ରେ ଫିଲ୍ମ ୩ ମିଲିୟନ ଡଲାର ଅର୍ଥାତ୍ ୨୩ କୋଟି ଟଙ୍କାର ବ୍ୟବସାୟ କରିଛି। ଆରମ୍ଭରୁ ଫିଲ୍ମକୁ ବଡ଼ ସଫଳତା ମିଳିଛି। ତେବେ ଏକ ସପ୍ତାହ ମଧ୍ୟରେ ଫିଲ୍ମ ବଡ଼ ବଡ଼ ରେକର୍ଡ ଭାଙ୍ଗିବ ବୋଲି ଅନୁମାନ କରାଯାଉଛି। ଅପର ପକ୍ଷରେ ଏସ୍ ଏସ୍ ରାଜମୌଲୀଙ୍କ ଫିଲ୍ମ ଆରଆରଆର କିଛି ଦିନ ମଧ୍ୟରେ ୧୦୦ କୋଟି ଅତିକ୍ରମ କରିଥିଲା। ତେବେ ଆରଆରଆର ର ରେକର୍ଡ କେଜିଏଫ୍ ଭାଙ୍ଗି ପାରୁଛି ନା ନାହିଁ ତାହା ଏବେ ଦେଖିବାକୁ ବାକି ରହିଲା।
ନର୍ଥ ବେଲ୍ଟରେ ଏହି ଫିଲ୍ମ ସମସ୍ତଙ୍କୁ ଖୁବ୍ ପସନ୍ଦ ଆସିଛି। ଫିଲ୍ମର ପ୍ରଥମ ପାର୍ଟରୁ ଦର୍ଶକମାନେ ୟଶଙ୍କର ଦିୱାନା ହୋଇଯାଇଥିଲେ। ଏହାପରେ ଦ୍ଵିତୀୟ ପାର୍ଟରେ ଅଧୀରା ଓ ସଞ୍ଜୟ ଦତ୍ତଙ୍କ ଫିଲ୍ମ ଧମାଲ କରିଥିଲା। ଏହି ଫିଲ୍ମରେ ରବିନା ଟଣ୍ଡନ ଓ ପ୍ରକାଶ ରାଜ ମଧ୍ୟ ମୁଖ୍ୟ ଭୂମିକାରେ ଅଛନ୍ତି। ଫିଲ୍ମ ଏପ୍ରିଲ ୧୪ରେ ରିଲିଜ୍ ହୋଇଥିଲା।
