ୱାଶିଂଟନ୍: ଅନ୍ତଃରାଷ୍ଟ୍ରୀୟ ସ୍ତରରେ ଅଶୋଧିତ ତୈଳଦର ପାଖାପାଖି ୪୦% ପର୍ଯ୍ୟନ୍ତ ବୃଦ୍ଧି ପାଇବା ଯୋଗୁଁ ଦୁଇଦିନ ତଳେ ଭାରତ ରୁଷ୍କୁ କ୍ର୍ରୁଡ୍ ଅଏଲ୍ କିଣିବା ଲାଗି ଦେଇଥିବା ପ୍ରସ୍ତାବ ଉପରେ ଏବେ ବିଚାର ବିମର୍ଷ କରୁଛି ଭାରତ । ତେବେ ଏହି ପ୍ରସଙ୍ଗକୁ ନେଇ ଆଜି ଆମେରିକା ହ୍ୱାଇଟ୍ ହାଉସ୍ର ପ୍ରେସ୍ ସଚିବ ଜେନ ପାସାକି ଭାରତକୁ ଇଙ୍ଗିତ କରି କହିଛନ୍ତି ଯେ, ରୁଷ୍ ଠାରୁ ତୈଳ ଗ୍ରହଣ କରୁଥିବା ଦେଶ ଉପରେ ଆମେ କୌଣସି କଟକଣା ଲଗାଇ ନାହୁୁଁ । ସେ କହିଛନ୍ତି ଯେ, ସବୁ ଦେଶକୁ ଆମର ବାର୍ତ୍ତା ଜାରି କରାଯାଇଛି ଏବଂ ଆମେ ସୁପାରିଶ କରିଛୁ।
ତେବେ ଭାରତ ରୁଷ୍ର ରିହାତି ଦରରେ ଅଶୋଧିତ ତୈଳ ପ୍ରସ୍ତାବକୁ ଗ୍ରହଣ କରିବା କି ନାହିିଁ ସେ ସମ୍ପର୍କରେ ପଚରାଯିବାରୁ ଯଦି ବି ଭାରତ ଏହି ପ୍ରସ୍ତାବ ଗ୍ରହଣ କରେ, ତେବେ ଆମେରିକା ଲଗାଇ ଥିବା ପ୍ରତିବନ୍ଧକର ଏହା ଉଲ୍ଲଂଘନ ହେବ ନାହିିଁ ବୋଲି କହିଛନ୍ତି । ତେବେ ଯୁଦ୍ଧ ସମୟରେ ରୁଷ୍ ନେତୃତ୍ୱକୁ ସମର୍ଥନ ଏକ ଆକ୍ରମଣ ପାଇଁ ସମର୍ଥନ ବୋଲି ଶ୍ରୀମତୀ ପସାକି କହିଛନ୍ତି। ରୁଷର ୟୁକ୍ରେନ୍ ଉପରେ ଆକ୍ରମଣକୁ ଭାରତ ସମର୍ଥନ କରିନାହିଁ। କଥାବାର୍ତ୍ତା ମାଧ୍ୟମରେ ମତଭେଦ ସମାଧାନ କରିବାକୁ ନୂଆଦିଲ୍ଲୀ ସମସ୍ତ ହିତାଧିକାରୀଙ୍କୁ କ୍ରମାଗତ ଭାବରେ କହିଛି। ତେବେ ଏହା ରୁଷ ବିରୋଧରେ ମିଳିତ ଜାତିସଂଘର ସମସ୍ତ ସଂକଳ୍ପରୁ ନିବୃତ୍ତ ହୋଇଛି।
ବାଇଡେନ୍ ପ୍ରଶାସନର ଅଧିକାରୀମାନେ ଭାରତର ସ୍ଥିତିକୁ ବୁଝିବା ସହ ସାଂସଦମାନଙ୍କୁ କହିଛନ୍ତି ଯେ ଭାରତ ନିଜର ଜାତୀୟ ସୁରକ୍ଷା ପାଇଁ ରୁଷର ସାମରିକ ସାମଗ୍ରୀ ଉପରେ ନିର୍ଭରଶୀଳ। ତେବେ ଭାରତୀୟ ରିହାତି ମୂଲ୍ୟରେ ରୁଷର ତେଲ କିଣିବାକୁ ଚିନ୍ତା କରୁଥିବା ଖବର ଉପରେ ଭାରତୀୟ-ଆମେରିକୀୟ କଂଗ୍ରେସ କର୍ମୀ ଡ ଆମି ବେରା ନିରାଶ ମନ୍ତବ୍ୟ ଦେଇଛନ୍ତି ଯଦି ରିପୋର୍ଟଗୁଡିକ ସଠିକ୍ ହୁଏ ଏବଂ ରିହାତି ମୂଲ୍ୟରେ ରୁଷର ତେଲ କିଣିବା ପାଇଁ ଭାରତ ଏହି ନିଷ୍ପତ୍ତି ନିଏ, ତେବେ ନୂଆଦିଲ୍ଲୀ ଇତିହାସରେ ଏହା ଏକ ପ୍ରମୁଖ ମୁହୂର୍ତ୍ତ ହେବ ।
ଭାରତକୁ ହ୍ୱାଇଟ୍ ହାଉସ୍ ସଚିବଙ୍କ ଇଙ୍ଗିତ: ରୁଷ୍ ଠାରୁ ଅଶୋଦ୍ଧିତ ତୈଳ କିଣା ଆଗାମୀ ଦିନରେ ମହଙ୍ଗା ହୋଇପାରେ
