ନୂଆଦିଲ୍ଲୀ : ସ୍ୱାଧୀନତା ଦିବସ ପାଇଁ ସାରା ଦେଶ ଉତ୍ସବମୁଖର। ଦୀର୍ଘଦିନ ଇଂରେଜ ଶାସନ ଅଧିନରେ ରହିବା ପରେ ୧୯୪୭ ମସିହା ଅଗଷ୍ଟ ୧୪ ମଧ୍ୟରାତ୍ରରେ ଦେଶ ମୁକ୍ତି ପାଇଲା। ଏନେଇ ଅନେକ ଦେଶଭକ୍ତ ସେମାନଙ୍କ ରକ୍ତ ବୁହାଇଛନ୍ତି। ବାସ୍ତବରେ, ଭାରତର ଶ୍ରେଷ୍ଠ ୧୦ ଜଣ ସ୍ୱାଧୀନତା ସଂଗ୍ରାମୀଙ୍କୁ ବାଛିବା ଅତ୍ୟନ୍ତ କଷ୍ଟକର। କାରଣ ପ୍ରତ୍ୟେକ ସ୍ୱାଧୀନତା ସଂଗ୍ରାମୀ ନିଜ ନିଜ ଉପାୟରେ ଭାରତର ସ୍ୱାଧୀନତା ପାଇଁ ସହଯୋଗ କରିଥିଲେ।
ମହାତ୍ମା ଗାନ୍ଧୀ:
ଦେଶ ସ୍ୱାଧୀନତାର କଥା ପଡିଲେ ମନକୁ ପ୍ରଥମେ ଯେଉଁ ମହାନ ବ୍ୟକ୍ତିଙ୍କ ଛବି ଆସିଯାଏ, ସେ ହେଲେ ମହାତ୍ମା ଗାନ୍ଧୀ। ଭାରତ ପାଇଁ ଦେଇଥିବା ଅପାର ବଳିଦାନ ପାଇଁ ମୋହନଦାସ କରମଚାନ୍ଦ ଗାନ୍ଧୀଙ୍କୁ “ଜାତିର ପିତା” ବୋଲି କୁହାଯାଏ। ମହାତ୍ମା ଗାନ୍ଧୀ ୦୨ ଅକ୍ଟୋବର ୧୯୬୯ରେ ଜନ୍ମଗ୍ରହଣ କରିଥିଲେ। ମହାତ୍ମା ଗାନ୍ଧୀଙ୍କ ଦ୍ୱାରା ଗ୍ରହଣ କରାଯାଇଥିବା ସତ୍ୟ ଏବଂ ଅହିଂସା ମାର୍ଗ ସମଗ୍ର ବିଶ୍ୱରେ ଅନେକ ସ୍ୱାଧୀନତା ଆନ୍ଦୋଳନ ଏବଂ ମାନବ ଅଧିକାର ଆନ୍ଦୋଳନକୁ ପ୍ରେରଣା ଦେଇଥିଲା।
ତାଙ୍କ ବିଚାରରେ ଅହିଂସା ମାର୍ଗରେ ପ୍ରତିରୋଧ ଏବଂ ବ୍ରିଟିଶମାନଙ୍କୁ ଅସହଯୋଗ କରିବା ଦେଶରୁ ଔପନିବେଶିକ ଶାସନକୁ ସମାପ୍ତ କରିବ ଏବଂ ସ୍ୱାଧୀନତା ଆଣିବା ପାଇଁ ଯଥେଷ୍ଟ ହେବ।ଭାରତୀୟ ସ୍ୱାଧୀନତା ସଂଗ୍ରାମୀମାନେ ହେଉଛନ୍ତି ଭାରତର ପ୍ରକୃତ ହିରୋ ଯିଏ ନିଜ ମାତୃଭୂମି ପାଇଁ ନିଜ ଜୀବନକୁ ଉତ୍ସର୍ଗ କରିଛନ୍ତି। ଭାରତର ଏହି ସ୍ୱାଧୀନତା ସଂଗ୍ରାମୀମାନଙ୍କ ବଳିଦାନ ଏବଂ ବୀରତ୍ୱ ଯୋଗୁଁ ହିଁ ଭାରତ ସ୍ୱାଧୀନତା ଲାଭ କଲା। ଏନେଇ ଶହ ଶହ ବୀର ଜୀବନ ଦେଇଛନ୍ତି।
ଦାଦାଭାଇ ନାରୋଜୀ:
ଦାଦାଭାଇ ନାରୋଜୀ ୧୮୬୬ ମସିହାରେ ଇଷ୍ଟ୍ ଇଣ୍ଡିଆ ଆସୋସିଏସନ୍ ପ୍ରତିଷ୍ଠା କରିଥିଲେ। ସେ ଲଣ୍ଡନରେ ଭାରତୀୟ ଏବଂ ଅବସରପ୍ରାପ୍ତ ବ୍ରିଟିଶ ଅଧିକାରୀଙ୍କ ସହ ଇଷ୍ଟ୍ ଇଣ୍ଡିଆ ଆସୋସିଏସନ ପ୍ରତିଷ୍ଠା କରିଥିଲେ। ଏହି ସଂଗଠନ ବ୍ରିଟିଶ ଶାସନ ଅଧୀନରେ ଭାରତୀୟଙ୍କ ପାଇଁ ଓକିଲାତି କରୁଥିଲା ଏବଂ ବିଚାର ପାଇଁ ପ୍ରସଙ୍ଗ ଉଠାଉଥିଲା।
ଦାଦାଭାଇ ନାରୋଜୀଙ୍କର ସବୁଠାରୁ ପ୍ରତିଷ୍ଠିତ ପୁସ୍ତକ “ପଭର୍ଟୀ ଆଣ୍ଡ୍ ଅନ୍-ବ୍ରିଟିଶ ରୁଲ୍ ଇନ୍ ଇଣ୍ଡିଆ”ରେ ବ୍ରିଟିଶମାନଙ୍କ ଦ୍ୱାରା ଭାରତର ଅର୍ଥନୈତିକ ଶୋଷଣର ଖୁଲାସା ହୋଇଥିଲା। ସେ ୧୮୭୮ ର ଭର୍ନାକୁଲାର୍ ପ୍ରେସ୍ ଆକ୍ଟକୁ ବିରୋଧ କରିଥିଲେ। ସେ ହାଉସ ଅଫ୍ କମନ୍ସରେ ଭାରତୀୟଙ୍କୁ ସାମିଲ୍ କରିବା ଏବଂ ଅମଲାତନ୍ତ୍ରର ଭାରତୀୟକରଣକୁ ସମର୍ଥନ କରିଥିଲେ।
ସ୍ୱାଧୀନତା ଦିବସ ଆସିଲେ ମନେ ପଡେ ସ୍ୱାଧୀନତା ସଂଗ୍ରାମୀଙ୍କ କଥା…
