ନୂଆଦିଲ୍ଲୀ: ଆଜିକାଲି ସମାଜରେ ସୋସିଆଲ ମିଡ଼ିଆର ଚାହିଦା ଦ୍ରୁତ ଗତିରେ ବୃଦ୍ଧି ପାଇବାର ଲାଗିଛି । ଯାହାଫଳରେ ପିଲାଠାରୁ ଆରମ୍ଭ କରି ବୟସ୍କ ବ୍ୟକ୍ତି ପର୍ଯ୍ୟନ୍ତ ସମସ୍ତେ ଏହାକୁ ବହୁ ମାତ୍ରାରେ ବ୍ୟବହାର କରୁଛନ୍ତି । ତେବେ ସହି ସୋସିଆଲ ମିଡିଆ ମଧ୍ୟରେ ହ୍ଵାଟ୍ସଆପର ଚାହିଦା ଅଧିକ ରହିଛି । ତେଣୁ ଏହାକୁ ଦୃଷ୍ଟିରେ ରଖି କମ୍ପନୀ ମଝିରେ ମଝିରେ ଏଥିରେ କିଛି ନୂଆ ଫିଚର ଆଣିଥାଏ । ଯାହାକି ୟୁଜର୍ସମାନଙ୍କୁ ଅନେକ ସୁବିଧା ଦେଇଥାଏ । ତେବେ ପୂର୍ବରୁ କମ୍ପାନୀ ହ୍ଵାଟ୍ସଆପରେ ଅନେକ ନୂତନ ଫିଚର ଆଣିଥିବା ବେଳେ ବର୍ତ୍ତମାନ ମଧ୍ୟ ଉପଭୋକ୍ତାମାନଙ୍କ ଅଭିଜ୍ଞତାକୁ ବଢାଇବା ପାଇଁ ଏକ ନୂତନ ଫିଚର ଜାରି କରିଛି । ବର୍ତ୍ତମାନ ହ୍ଵାଟ୍ସଆପ କେପ୍ଟ ମେସେଜ୍ ଫିଚର ଉପରେ କାମ କରୁଛି । ଯାହାକି ଉପଭୋକ୍ତାଙ୍କୁ ଅନେକ ସୁବିଧା ଯୋଗାଇବ ।
ରିପୋର୍ଟ ଅନୁଯାୟୀ, ହ୍ଵାଟ୍ସଆପର ଏହି କେପ୍ଟ ମେସେଜ୍ ଫିଚର ବ୍ୟବହାରକାରୀଙ୍କ ପାଇଁ ଅତ୍ୟନ୍ତ ଉପଯୋଗୀ ହେବ । ଏହି ଫିଚର ସାହାଯ୍ୟରେ, ଉପଭୋକ୍ତାମାନେ ଚାଟରେ କେପ୍ଟ ମେସେଜ୍ ବୁକମାର୍କ କରିବାକୁ ସମର୍ଥ ହେବେ । ଏହାକୁ ନେଇ WABetaInfo ରିପୋର୍ଟ କରିଛି । ତେବେ ଏହି ରିପୋର୍ଟ ଅନୁଯାୟୀ ଉପଭୋକ୍ତା ହ୍ଵାଟ୍ସଆପରେ ଏକ ଆଇକନ୍ ର ବିକଳ୍ପ ପାଇବେ । ଏହି ଆଇକନ୍ ଉପଭୋକ୍ତାଙ୍କର ଅଦୃଶ୍ୟ ବାର୍ତ୍ତା ବା ଡିଲେଟ ମେସେଜ ପାଇଁ ଏକ ଭିଜୁଆଲ୍ ସୂଚକ ଭାବରେ କାର୍ଯ୍ୟ କରିବ । ଏଥିସହିତ, ଉପଭୋକ୍ତାମାନଙ୍କୁ ସୂଚନା ଦିଆଯିବ ଯେ ବାର୍ତ୍ତା ସଞ୍ଚୟ ହୋଇଛି ଏବଂ ଏହା ଚାଟରୁ ଡିଲେଟ ହେବ ନାହିଁ | ତେବେ ହ୍ଵାଟ୍ସଆପ ବିଟା ବ୍ୟବହାରକାରୀଙ୍କ ପାଇଁ ଏହି ଫିଚର ଶୀଘ୍ର ଉପଲବ୍ଧ ହୋଇପାରେ ।
ରିପୋର୍ଟ ଅନୁଯାୟୀ, ହ୍ଵାଟ୍ସଆପରେ ଏହି ଅପଡେଟ୍ ଉଭୟ ଆଣ୍ଡ୍ରଏଡ୍ ଏବଂ ଆଇଓଏସ୍ ବିଟା ବ୍ୟବହାରକାରୀଙ୍କ ପାଇଁ ଉପଲବ୍ଧ ହେବ । ଏହା ବ୍ୟତୀତ ଏହା ଡେସ୍କଟପ୍ ସଂସ୍କରଣ ପାଇଁ ମଧ୍ୟ ଉପଲବ୍ଧ ହେବ । WABetaInfo ହ୍ଵାଟ୍ସଆପର କେପ୍ଟ ମେସେଜ୍ ଫିଚର ଏକ ପୂର୍ବାବଲୋକନ ମଧ୍ୟ ଦେଖାଇଛି । ରିପୋର୍ଟରେ ଦାବି କରାଯାଇଛି ଯେ କେପ୍ଟ ମେସେଜଗୁଡିକ ଡିଲେଟ ମେସେଜଗୁଡ଼ିକୁ ଷ୍ଟାଣ୍ଡାର୍ଡ ହ୍ଵାଟ୍ସଆପ ମେସେଜରେ ପରିଣତ କରିବ । ଏହା ସହିତ, ଚାଟ୍ ସମାପ୍ତ ହେବା ପରେ ମଧ୍ୟ ଉପଭୋକ୍ତାମାନେ ଏହାକୁ ପ୍ରବେଶ କରିପାରିବେ । ହ୍ଵାଟ୍ସଆପ ଏଥିପାଇଁ କେପ୍ଟ ମେସେଜ୍ ର ଏକ ପୃଥକ ବିଭାଗ ଯୋଗ କରିପାରିବ । ଫଳରେ ଡିଲେଟ ହୋଇଯାଇଥିବା ମେସେଜକୁ ପୁନର୍ବାର ଆକ୍ସେସ୍ କରାଯାଇପାରିବ |
