ଭୁବନେଶ୍ୱର: ନାଭି ହେଉଛି ଶରୀରର କେନ୍ଦ୍ର ବିନ୍ଦୁ । ଭାରତରେ ନାଭିରେ ତେଲ ଲଗାଇବା ଅଭ୍ୟାସ ପ୍ରାଚୀନ କାଳରୁ ଚାଲିଆସୁଛି, ଯାହା ଆମ ଶରୀର ଉପରେ ଅଗଣିତ ଉପକାର କରିଥାଏ । ସେହିପରି ଆୟୁର୍ବେଦରେ ପ୍ରାକୃତିକ ତେଲର ବ୍ୟବହାର ଏକ ପ୍ରମୁଖ ଭୂମିକା ଗ୍ରହଣ କରିଥାଏ । ସ୍ୱାସ୍ଥ୍ୟ ସହିତ ଜଡିତ ଅନେକ ସମସ୍ୟା ଦୂର କରିବାରେ ଏହା ପ୍ରାୟତଃ ଅତ୍ୟନ୍ତ ଉପଯୋଗୀ ବୋଲି ପ୍ରମାଣିତ ହୁଏ । କିନ୍ତୁ ଆଜିର ସମୟରେ, ବହୁତ କମ୍ ଲୋକ ଅଛନ୍ତି ଯେଉଁମାନେ ନାଭିରେ ତେଲ ଲଗାଇବେ କିମ୍ବା ନାଭିରେ ତେଲ ଲଗାଇବାର ଲାଭ ବିଷୟରେ ଜାଣିଥିବେ । ଶରୀରର ଯେକୌଣସି ଅଙ୍ଗରେ ତେଲ ପ୍ରୟୋଗ କରାଯାଇପାରେ, କିନ୍ତୁ ନାଭିରେ ତେଲ ଲଗାଇବା ଦ୍ୱାରା ଅନେକ ଗୁରୁତ୍ୱପୂର୍ଣ୍ଣ ଲାଭ ହୋଇଥାଏ । ଶରୀରକୁ ସୁସ୍ଥ ରଖିବା ପାଇଁ ନାଭିରେ ତେଲ ଲଗାଇବା ହେଉଛି ଏକ ପ୍ରାକୃତିକ ଉପାୟ । ନାଭିରେ ତେଲ ଲଗାଇବା କେବଳ ସୁସ୍ଥ ଏବଂ ସୁନ୍ଦର ଚର୍ମ ନୁହେଁ ବରଂ ନାଭିରେ ତେଲ ଲଗାଇବା ଦ୍ୱାରା ମାନସିକ ଚାପ କମିଯାଏ ଏବଂ ମନକୁ ଶାନ୍ତ ରଖେ ।
ମାନସିକ ଚାପ କମିଯାଏ
ନାଭି, ପେଟର କେନ୍ଦ୍ର ଭାବରେ ମଧ୍ୟ ଜଣାଶୁଣା, ଶରୀରର ଏକ ଅତ୍ୟନ୍ତ ସମ୍ବେଦନଶୀଳ ଅଂଶ । ଏହି କ୍ଷେତ୍ରକୁ ସ୍ପର୍ଶ କରିବା ଦ୍ୱାରା ଶରୀରରେ ଏଣ୍ଡୋରଫିନ୍ ନାମକ ଏକ ହରମୋନ୍ ନିର୍ଗତ ହୁଏ ଯାହା ଆରାମ ପ୍ରଦାନ କରିଥାଏ । ନାଭିକୁ ତେଲରେ ମାଲିସ୍ କରିବା ଦ୍ୱାରା ଏଠାରେ ଶିରାରେ ରକ୍ତ ସଞ୍ଚାଳନ ବଢିଥାଏ ଏବଂ ଚାପ ହରମୋନ୍ କମିଯାଏ । ଏହା ମାନସିକ ଚାପକୁ ହ୍ରାସ କରିଥାଏ ଏବଂ ମନ ଶାନ୍ତ ଅନୁଭବ କରାଏ । ନାଭିକୁ ନିୟମିତ ଭାବେ ତେଲରେ ମାଲିସ କରିବା ଦ୍ୱାରା ମାନସିକ ସମସ୍ୟା କମିଯାଏ ଏବଂ ବ୍ୟକ୍ତି ସଂପୂର୍ଣ୍ଣ ଆରାମଦାୟକ ଅନୁଭବ କରେ । ତେଣୁ ନାଭିରେ ତେଲ ଲଗାଇବା ମାନସିକ ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟକ ଅଟେ ।
ତ୍ୱଚାକୁ ଗ୍ଲୋଇଂ କରାଏ
ନରମ ଏବଂ ଗ୍ଲୋଇଂ ଚେହେରା ପାଇଁ, ଆପଣ ପ୍ରତିଦିନ ଅଲିଭ୍ ତେଲ ସହ ନାଭିକୁ ମସାଜ୍ କରିପାରିବେ । ଅଲିଭ୍ ତେଲରେ ପ୍ରଚୁର ସୁସ୍ଥ ଚର୍ବି ଏବଂ ଆଣ୍ଟିଅକ୍ସିଡାଣ୍ଟ ଥାଏ, ଯାହା ଚର୍ମ ସମସ୍ୟାକୁ ରୋକିଥାଏ ଏବଂ ଫୁଲା ବା ବ୍ୟଥାକୁ ହ୍ରାସ କରିଥାଏ । ନାଭିରେ ତେଲ ଲଗାଇଲେ ଚର୍ମ ଯଥେଷ୍ଟ ଆର୍ଦ୍ରତା ରହିଥାଏ ଏବଂ ଓଠ ମଧ୍ୟ ଶୁଷ୍କ ହୁଏ ନାହିଁ । ଏହିପରି, ଆପଣ ନାଭିରେ ତେଲ ଲଗାଇବା ଦ୍ୱାରା ନରମ ଏବଂ ଗ୍ଲୋଇଂ ତ୍ୱଚା ପାଇପାରିବେ ।
ଗଣ୍ଠି ଯନ୍ତ୍ରଣାରୁ ମୁକ୍ତି
ନାଭି ହେଉଛି ଶରୀରର କେନ୍ଦ୍ର ଯେଉଁଠାରୁ ଶକ୍ତି ଶରୀରର ସମସ୍ତ ସ୍ନାୟୁକୁ ପଠାଯାଏ । ତେଣୁ, ନାଭିରେ ନିୟମିତ ତେଲ ଲଗାଇଲେ ଶରୀରରେ ଏକ ସନ୍ତୁଳିତ ଶକ୍ତି ପ୍ରବାହ ହୁଏ, ଯାହା ଗଣ୍ଠି ଯନ୍ତ୍ରଣାରୁ ମୁକ୍ତି ଦେଇଥାଏ । ଏଥିସହ ନାଭିରେ ତେଲ ଲଗାଇବା ଦ୍ୱାରା ରକ୍ତ ସଞ୍ଚାଳନରେ ଉନ୍ନତି ଆସିଥାଏ, ଯାହା ପୋଷକ ତତ୍ତ୍ୱକୁ ଗଣ୍ଠିରେ ପହଞ୍ଚିବାରେ ସାହାଯ୍ୟ କରିଥାଏ ଏବଂ ଯନ୍ତ୍ରଣାରୁ ମୁକ୍ତି ଦେଇଥାଏ ।
ପ୍ରଜଜନ କ୍ଷମତା ବୃଦ୍ଧି କରାଏ
ଯେଉଁମାନଙ୍କ ପ୍ରଜନନ କ୍ଷମତା ଦୁର୍ବଳ ହୋଇଥାଏ । ସେମାନେ ନାଭିରେ ନଡିଆ ତେଲ ଲଗାଇବା ଦ୍ୱାରା ଲାଭଦାୟକ ବୋଲି ବିବେଚନା କରାଯାଏ । ଆୟୁର୍ବେଦ ବିଶେଷଜ୍ଞଙ୍କ ଅନୁଯାୟୀ, ନଡିଆ ତେଲରେ ଆଣ୍ଟି-ଫଙ୍ଗଲ୍ ଗୁଣ ରହିଛି, ଯେଉଁ କାରଣରୁ ଏହାକୁ ନାଭିରେ ଲଗାଇଲେ ଶୁକ୍ରାଣୁ ସଂଖ୍ୟା ବଢିଯାଏ ଏବଂ କେଶ ଝଡ଼ିବା ସମସ୍ୟା ମଧ୍ୟ ଦୂର ହୋଇଥାଏ ।
