ୟୁଏସ୍ ଓପନ୍‌: କ୍ୱାର୍ଟର୍‌ରେ ଆଲକାରାଜ୍‌, ନାଡାଲ୍ ବିଦା

ନ୍ୟୁୟର୍କ : ଚଳିତ ୟୁଏସ୍ ଓପନ୍ ପୁରୁଷ ସିଙ୍ଗଲ୍ସରେ ସ୍ପେନ୍‌ର ତୃତୀୟ ସିଡ୍ ଖେଳାଳି କାର୍ଲୋସ୍ ଆଲକାରାଜ୍ ମାରିନ୍ ସିଲିକ୍‌ଙ୍କୁ ଏକ ସଂଘର୍ଷପୂର୍ଣ୍ଣ ମୁକାବିଲାରେ ୬-୪,୩-୬,୬-୪,୪-୬,୬-୩ରେ ହରାଇ କ୍ୱାର୍ଟର୍‌ରେ ପହଞ୍ଚିଛନ୍ତି । ସେହିପରି ଏକାଦଶ ସିଡ୍ ଇଟାଲୀର ଜାନିକ୍ ସିନର୍ ବେଲାରୁଷ୍‌ର ଇଲ୍ୟା ଇଭାଷ୍କାଙ୍କୁ ୬-୧,୫-୭,୬-୨,୪-୬,୬-୩ରେ ହରାଇ କ୍ୱାର୍ଟର୍‌କୁ ଉନ୍ନୀତ ହୋଇଛନ୍ତି । କ୍ୱାର୍ଟର୍‌ରେ ଗୁରୁବାର ସିନର୍ ଆଲକାରାଜ୍‌ଙ୍କୁ ଭେଟିବେ । ଅନ୍ୟପକ୍ଷରେ ସୋମବାର ଏକ ପ୍ରିକ୍ୱାର୍ଟର୍ ମୁକାବିଲାରେ ୨୨ତମ ସିଡେଡ୍ ଆମେରିକାର ଫ୍ରାନ୍ସେସ୍ ଟିଆଫୋ ଦ୍ୱିତୀୟ ସିଡେଡ୍ ସ୍ପେନୀୟ ତାରକା ରାଫେଲ୍ ନାଡାଲଙ୍କୁ ୬-୪,୪-୬,୬-୪,୬-୩ରେ ହରାଇ ବଡ଼ ବିପର୍ଯ୍ୟୟ ସୃଷ୍ଟି କରିଛନ୍ତି । ଏହାଛଡ଼ା ମହିଳା ସିଙ୍ଗଲ୍ସରେ କ୍ୟାରୋଲିନା ପ୍ଲିସ୍କୋଭା ଭିକ୍ଟୋରିଆ ଆଜାରେଙ୍କାଙ୍କୁ ୭-୫,୬-୭୰୫/୭),୬-୨ରେ ହରାଇ, ଷଷ୍ଠ ସିଡ୍ ଆରିନା ସାବାଲେଙ୍କା ଡାନିଏଲ୍ କଲିନ୍ସଙ୍କୁ ୩-୬,୬-୩,୬-୨ରେ ହରାଇ କ୍ୱାର୍ଟର୍‌କୁ ଉନ୍ନୀତ ହୋଇଛନ୍ତି ।