•ବନ୍ୟା ଯୋଗୁଁ ପ୍ରଭାବିତ ହୋଇଥିବା ଜଳ ଯୋଗାଣ ବ୍ୟବସ୍ଥାକୁ ଶୀଘ୍ର ସ୍ୱାଭାବିକ କରିବା ପାଇଁ ଗ୍ରାମ୍ୟ ଜଳ ଯୋଗାଣ ଓ ପରିମଳ ଡିଭିଜନ ପକ୍ଷରୁ କ୍ଷେତ୍ରସ୍ତରରେ ପୁନରୁଦ୍ଧାର କାର୍ଯ୍ୟ ଜୋରଦାର କରାଯାଇଛି।
•ପର୍ଯ୍ୟାପ୍ତ ପରିମାଣର ପାଣି ବୋତଲ ଓ ପାଣି ପାଉଚ୍ ମହଜୁଦ ରଖାଯାଇଥିବାବେଳେ, ଆବଶ୍ୟକତା ଅନୁଯାୟୀ ବନ୍ୟା ପ୍ରଭାବିତ ଅଞ୍ଚଳରେ ତୁରନ୍ତ ପାନୀୟ ଜଳ ପହଞ୍ଚାଇବା ପାଇଁ ବିଭାଗ ଓ ଜିଲ୍ଲା ପ୍ରଶାସନ ପକ୍ଷରୁ ସମନ୍ୱିତ ପଦକ୍ଷେପ ଜାରି ରହିଛି।
•ଅଗଷ୍ଟ ୧୭ ତାରିଖ ସନ୍ଧ୍ୟା ୫ଟା ସୁଦ୍ଧା ବନ୍ୟା ପ୍ରଭାବିତ ୧,୪୬୧ଟି ଟ୍ୟୁବୱେଲ୍ର ବିଶୋଧନ କାର୍ଯ୍ୟ ସମ୍ପନ୍ନ ହୋଇଛି। ସେହିପରି ପ୍ରଭାବିତ PWS ପ୍ରକଳ୍ପଗୁଡ଼ିକ ମଧ୍ୟରୁ ୮୯ଟିର ଜଳ ଉତ୍ସ ବିଶୋଧନ କରାଯାଇଛି।
•ଟ୍ୟୁବୱେଲ୍, ପ୍ରଡକ୍ସନ୍ ୱେଲ୍, ଓପନ୍ ୱେଲ୍ ଆଦି ବିଭିନ୍ନ ଜଳ ଉତ୍ସକୁ ବ୍ଲିଚିଂ ପାଉଡର ମାଧ୍ୟମରେ ବିଶୋଧନ କରାଯାଉଥିବାବେଳେ ଜଳର ମାନ ମଧ୍ୟ ନିୟମିତ ପରୀକ୍ଷା କରାଯାଉଛି। ବନ୍ୟା ପରେ ଜଳ ଉତ୍ସଗୁଡ଼ିକୁ ସୁରକ୍ଷିତ କରିବା ଓ ଲୋକଙ୍କୁ ନିରାପଦ ପାନୀୟ ଜଳ ଯୋଗାଇବା ଉପରେ ବିଭାଗ ପକ୍ଷରୁ ବିଶେଷ ଗୁରୁତ୍ୱ ଦିଆଯାଉଛି।
•ବନ୍ୟା ପ୍ରଭାବିତ ଅଞ୍ଚଳରେ ୨୭ଟି ୱାଟର ଟ୍ୟାଙ୍କର ଓ ୬୯ଟି ସିଣ୍ଟେକ୍ସ ଟ୍ୟାଙ୍କ ଗାଡ଼ି ମାଧ୍ୟମରେ ପାନୀୟ ଜଳ ଯୋଗାଣ କରାଯାଉଛି। ଏଥିସହ ୬ଟି ମୋବାଇଲ୍ ଟ୍ରିଟମେଣ୍ଟ ୟୁନିଟ୍ (MTU) ଦ୍ୱାରା ଜଳ ବିଶୋଧନ କରାଯାଇ ପୁରୀତ ପାନୀୟ ଜଳ ଯୋଗାଇ ଦିଆଯାଉଛି।
•ଯେଉଁ ସ୍ଥାନରେ ବିଦ୍ୟୁତ୍ ଯୋଗାଣ ପ୍ରଭାବିତ ହୋଇଛି, ସେଠାରେ DG ସେଟ୍ ମାଧ୍ୟମରେ PWS ପ୍ରକଳ୍ପଗୁଡ଼ିକୁ କାର୍ଯ୍ୟକ୍ଷମ କରାଯାଉଛି। ଏଥିସହ ଜିଲ୍ଲା, ବ୍ଲକ୍, R.W.S.&S. ଡିଭିଜନ ଏବଂ EIC, R.W.S.&S., ଓଡ଼ିଶାଙ୍କ କାର୍ଯ୍ୟାଳୟରେ କଣ୍ଟ୍ରୋଲ୍ ରୁମ୍ ଖୋଲାଯାଇ ପରିସ୍ଥିତିର ନିୟମିତ ଅନୁଧ୍ୟାନ ସହ ଆବଶ୍ୟକ ପଦକ୍ଷେପ ନିଆଯାଉଛି।
