ବିନା ଇଣ୍ଟରନେଟ୍‌ରେ ବି UPI ପେମେଣ୍ଟ: ବାସ୍ କରନ୍ତୁ ଏହି କାମ

ନୂଆଦିଲ୍ଲୀ : ଆଜିକାଲି ଡିଜିଟାଲ୍ ପେମେଣ୍ଟ ଆମ ଦୈନନ୍ଦିନ ଜୀବନର ଏକ ଅଂଶ ପାଲଟିଛି। ଦୋକାନରୁ ଜିନିଷ କିଣିବାଠାରୁ ଆରମ୍ଭ କରି ବିଲ୍ ପେମେଣ୍ଟ ପର୍ଯ୍ୟନ୍ତ ଅଧିକାଂଶ ଲୋକ UPI ବ୍ୟବହାର କରୁଛନ୍ତି। କିନ୍ତୁ ଅନେକ ସମୟରେ ମୋବାଇଲ୍ ଡାଟା ସରିଯିବା କିମ୍ବା ଇଣ୍ଟରନେଟ୍ ଠିକ୍ ଭାବେ କାମ ନକରିବା ଯୋଗୁଁ UPI ପେମେଣ୍ଟ କରିବାରେ ସମସ୍ୟା ହୋଇଥାଏ। ଏପରି ସ୍ଥିତିରେ କିଛି ବିକଳ୍ପ ମାଧ୍ୟମରେ ଅଫଲାଇନ୍‌ରେ UPI ପେମେଣ୍ଟ କରିବାର ସୁବିଧା ରହିଛି।ପ୍ରଥମ ଉପାୟ ହେଉଛି USSD କୋଡ୍ *99#। ଏଥିପାଇଁ ମୋବାଇଲ୍‌ର ଡାଏଲ୍ ପ୍ୟାଡ୍ ଖୋଲି *99# ଡାଏଲ୍ କରିବାକୁ ପଡ଼ିବ। ପରେ ଭାଷା ଚୟନ କରି ‘Send Money’ ବିକଳ୍ପ ବାଛନ୍ତୁ। ଏହାପରେ ମୋବାଇଲ୍ ନମ୍ବର, UPI ID କିମ୍ବା ବ୍ୟାଙ୍କ ଆକାଉଣ୍ଟ ବିବରଣୀ ଦେଇ ଟଙ୍କାର ପରିମାଣ ଲେଖନ୍ତୁ। ଶେଷରେ UPI PIN ଦେଇ କାରବାର ସମ୍ପୂର୍ଣ୍ଣ କରିହେବ।ଦ୍ୱିତୀୟ ଉପାୟ ହେଉଛି QR କୋଡ୍ ଆଧାରିତ ଅଫଲାଇନ୍ ପେମେଣ୍ଟ। ଏଥିରେ QR କୋଡ୍ ସ୍କାନ୍ କରି ପେମେଣ୍ଟ ପ୍ରକ୍ରିୟାକୁ ଆଗକୁ ବଢ଼ାଯାଇପାରେ। ଏଥିପାଇଁ ଦିଆଯାଇଥିବା ଅଫଲାଇନ୍ ସିଷ୍ଟମ୍‌ର ସୁବିଧା ବ୍ୟବହାର କରିବାକୁ ପଡ଼ିବ।ତେବେ ଅଫଲାଇନ୍ UPI ସୁବିଧା ବ୍ୟବହାର ପୂର୍ବରୁ ନିଜ ବ୍ୟାଙ୍କ, UPI ଆପ୍ ଏବଂ ମୋବାଇଲ୍ ନେଟୱର୍କର ସମର୍ଥନ ଓ ନିୟମ ଯାଞ୍ଚ କରିନେବା ଭଲ।