ମହୁମାଛି ଆକ୍ରମଣରେ ୨ ଭାଇ ମୃତ

ଗୋଣ୍ଡା : ଉତ୍ତର ପ୍ରଦେଶର ମନ୍‌କାପୁର ଅଞ୍ଚଳରେ ମହୁମାଛି ଆକ୍ରମଣରେ ଦୁଇ ନାବାଳକ ଭାଇ ପ୍ରାଣ ହରାଇଥିବାବେଳେ ସେମାନଙ୍କ ଜେଜେମା ଗୁରୁତର ଆହତ ଅବସ୍ଥାରେ ଡାକ୍ତରଖାନାରେ ଭର୍ତ୍ତି ହୋଇଛନ୍ତି । ୬୫ ବର୍ଷୀୟା ଜେଜେମା ମଙ୍ଗଳବାର ଦୁଇ ନାତି (ବୟସ ୪ ବର୍ଷ ଓ ୬ ବର୍ଷ) ବଗିଚାକୁ ଯାଇଥିବାବେଳେ ମହୁମାଛି ଦଳ ସେମାନଙ୍କୁ ଆକ୍ରମଣ କରିଥିଲେ । ଗୁରୁତର ଅବସ୍ଥାରେ ସେମାନଙ୍କୁ ତୁରନ୍ତ ଡାକ୍ତରଖାନା ନିଆଯାଇଥିଲେ ସୁଦ୍ଧା ଡାକ୍ତର ଦୁଇ ଭାଇଙ୍କୁ ମୃତ ଘୋଷଣା କରିଥିଲେ ।