ଚଣ୍ଡିଗଡ: ହରିୟାଣାର ଲୋକପ୍ରିୟ ଗାୟକ ରାଜୁ ପଞ୍ଜାବୀଙ୍କର ସୋମବାର ମାତ୍ର ୪୦ ବର୍ଷ ବୟସରେ ଅକାଳ ବିୟୋଗ ଘଟିଛି । ପ୍ରଶଂସକ ମହଲରେ ସେ ‘କିଙ୍ଗ୍ ଅଫ୍ ଟ୍ୟୁନ୍ସ’ ଅର୍ଥାତ ଧୂନ୍ର ବାଦଶାହଭାବେ ପରିଚିତ ଥିଲେ ।
ହରିୟାଣାର ଲୋକପ୍ରିୟ ଗାୟିକା ସ୍ୱପ୍ନା ଚୌଧୁରୀଙ୍କ ସହ ମିଶି ରାଜୁ ଅନେକ ଗୀତ ଗାଇଛନ୍ତି । ସେ ଗାଇଥିବା ଗୀତଗୁଡିକ ମଧ୍ୟରେ ସଲିଡ୍ ବଡି, ଦେଶୀ ଦେଶୀ, ଆଚ୍ଛା ଲାଗେ ସେ, ତୁ ଚିଜ୍ ଲାଜୱାବ୍, ଭାଙ୍ଗ୍ ମେରେ ୟାରା ନେ ଓ ଲାଷ୍ଟ ପେଗ୍ ବେଶ ଲୋକପ୍ରିୟତା ଅର୍ଜନ କରିଥିଲା । ରାଜୁଙ୍କ ବିୟୋଗରେ ହରିୟାଣା ମୁଖ୍ୟମନ୍ତ୍ରୀ ମନୋହରଲାଲ ଖଟ୍ଟର ଗଭୀର ଦୁଃଖପ୍ରକାଶ କରିଛନ୍ତି ।