କଟକ: ଥାନା ଭିତରୁ ଚମ୍ପଟ ମାରିଥିବା ଅଭିଯୁକ୍ତ ବବଲୁ ବେହେରାର ମୃତଦେହ ଉଦ୍ଧାର ହୋଇଛି । ଯୋବ୍ରା ବ୍ୟାରେଜ ନିକଟରୁ ଏକ ଅଚିହ୍ନା ମୃତଦେହ ଉଦ୍ଧାର ହୋଇଛି । ଏହି ଅଚିହ୍ନା ମୃତଦେହ ବବଲୁ ବେହେରାର ବୋଲି କୁହାଯାଉଛି । ଗତକାଲି କଟକ କ୍ୟାଣ୍ଟନମେଣ୍ଟ ଥାନାରୁ ଚମ୍ପଟ ମାରିବା ପରେ ମହାନଦୀକୁ ଡେଇଁ ବବୁଲ ପଡିଥିଲା ।
ମୋବାଇଲ ଚୋରି ଅଭିଯୋଗରେ ବବଲୁକୁ ପଚରାଉଚରା ପାଇଁ ପୁଲିସ ଆଣିଥିଲା । ଥାନାରୁ ଅଭିଯୁକ୍ତ ବବଲୁ ପୋଲିସକୁ ଚକମା ଦେଇ ଫେରାର ହୋଇଯାଇଥିଲା । ତେବେ ପୋଲିସ ଉପସ୍ଥିତିରେ ଥାନା ଭିତରୁ କେମିତି ଅଭିଯୁକ୍ତ ଫେରାର ହେଲା ତାକୁ ନେଇ ପ୍ରଶ୍ନ ଉଠିଥିବା ବେଳେ ବବଲୁର ମୃତଦେହ ଉଦ୍ଧାର ହେବା, ଘଟଣାକୁ ଆହୁରି ରହସ୍ୟ ଘେରକୁ ନେଇଯାଇଛି ।
