ଖାରକିଭ୍‌ର ପୋଲିସ ମୁଖ୍ୟାଳୟ ଉପରେ ରୁଷର ରକେଟ ମାଡ଼, ବିଲିଡିଂ ଛିନ୍‌ଛତ୍ର

ମେସ୍କୋ: ଆଜି ସପ୍ତମ ଦିନରେ ପହଞ୍ଚିଲାଣି ରୁଷ-ୟୁକ୍ରେନ ଯୁଦ୍ଧ । ରୁଷର ବାରମ୍ବାର ଆକ୍ରମଣରେ ଧରାଶାୟୀ ହେଲାଣି ୟୁକ୍ରେନୟ । ତଥାପି ରୁଷର ମନ ମାନୁନି । ରୁଷ ମିଶାଇଲ ମାଡ଼ କରିବା ପରେ ଏବେ ପରମାଣୁ ବୋମା ପକାଇବା ପାଇଁ ଯୋଜନା କରୁଛି । ଆଉ ଏପରି ହେଲେ ସବୁକିଛି ଛାରଖାନର ହୋଇଯିବ । ଏହା ମଧ୍ୟରେ ବି କିଭ୍ ପରେ ଖାରକିଭକୁ ଟାର୍ଗେଟ କରିଛି ରୁଷ । ଖାରକିଭ ପୋଲିସ ମୁଖ୍ୟାଳୟ ଉପରେ ରୁଷର ରକେଟ ମାଡ଼ । ରୁଷର ରକେଟ ମାଡ଼ରେ ଖାରକିଭ ପୋଲିସ ମୁଖ୍ୟାଳୟ କୋଠା ଧ୍ୱସ୍ତବିଧ୍ୱସ୍ତ ହୋଇଛି । ଖାରକିଭ୍‌ରେ ପ୍ରଚଣ୍ଡ ବିସ୍ଫୋରଣ । ୟୁକ୍ରେନର ଦ୍ୱିତୀୟ ବୃହତ ସହର ଖାରକିଭରେ ଶକ୍ତିଶାଳୀ ବିସ୍ଫୋରଣ କରିଛି । ରୁଷ ସେନା ଆଗକୁ ବଢୁଥିବା ବେଳେ ପ୍ରତିହତ କରୁଛି ୟୁକ୍ରେନ ସେନା । ଋଷ ସେନା ଗୁଳିମାଡ଼ରେ ୨୧ ଜଣଙ୍କ ମୃତ୍ୟୁ ହୋଇଥିବା ବେଳେ ୧୧୨ ଜଣ ଆହତ ହୋଇଛନ୍ତି । ଖାରକିଭ୍‌ରେ ପୂର୍ବରୁ ରୁଷ କେବଳ ଏୟାରଷ୍ଟ୍ରାଇକ କରୁଥିଲା । ଏବେ ଖାରକିଭରେ ଏୟାରଫୋର୍ସ ଓହ୍ଲାଇଛି । ପାରାଚୁଟରେ ଓହ୍ଲାଇ ଖାରକିଭରେ ଥିବା ଏକ ମିଲିଟାରୀ ମେଡିକାଲ ସେଣ୍ଟର ଉପରେ ଆକ୍ରମଣ କରିଛି ରୁଷସେନା । ଆବାସିକ ଅଞ୍ଚଳରେ ବି ଆକ୍ରମଣ ହେଉଛି । ରୁଷ ସେନା ଓ ୟୁକ୍ରେନ ସେନା ମଧ୍ୟରେ ଘମାଘୋଟ ଲଢେଇ ଜାରି ରହିଛି । ଖେରସନକୁ ନିଜ କବଜାକୁ ରୁଷ ସେନା ନେଇଥିବା ଦାବି କରିଛି । ୟୁକ୍ରେନକୁ ଚାରିପଟୁ ଆକ୍ରମଣ କରୁଛି ରୁଷ ।