ଅଜଣା ଗାଡ଼ି ଧକ୍କାରେ ୨ ମୃତ

ଭବାନୀପାଟଣା : କଳାହାଣ୍ଡି ଜିଲ୍ଲା କୋକସରା ବ୍ଲକ୍ ମହିମା ପଞ୍ଚାୟତ ଭୁର୍ଷାଗୁଡ଼ା ଛକ ଦେଇ ଯାଇଥିବା ବିଜୁ ଏକ୍ସପ୍ରେସ ୱେ ନିକଟରେ ଏକ ହୃଦୟ ବିଦାରକ ମର୍ମନ୍ତୁଦ ସଡ଼କ ଦୁର୍ଘଟଣାରେ ୨ ଜଣଙ୍କର ଶୋଚନୀୟ ମୃତ୍ୟୁ ହୋଇଛି । ବାଇକ୍‌ରେ ଆସୁଥିବା ଦୁଇଜଣଙ୍କୁ କୌଣସି ଅଜଣା ଗାଡ଼ି ଧକ୍କା ଦେବା ଫଳରେ ଦୁହିଁଙ୍କର ମୃତ୍ୟୁହୋଇଛି । ଦୁର୍ଘଟଣାସ୍ଥଳରେ ଦୁଇ ଯୁବକଙ୍କ କ୍ଷତବିକ୍ଷତ ଶବ ଏଣେତେଣେ ଛିଟିକି ପଡ଼ିଥିଲା । ମୃତକ ଦୁହେଁ ହେଲେ ସାନ ପୋଡ଼ାଗୁଡା ପଞ୍ଚାୟତ ନେଗିଗୁଡା ଗ୍ରାମର ହେମନ୍ତ ଗୋପାଳ ଓ ନୀଳକଣ୍ଠ ଗୋପାଳ । ଏମାନଙ୍କ ବାଇକ୍ ଘଟଣାସ୍ଥଳରୁ ୫୦୦ ମିଟର ଦୂରରେ ଠାବ ହୋଇଛି । ଆମପାଣି ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି ।