ପୁଡୁକ୍କୋଟ୍ଟାଇ: ତାମିଲନାଡୁର ପୁଡୁକ୍କୋଟ୍ଟାଇ ଜିଲ୍ଲା ଦେଇ ଯାଇଥିବା ତିରୁଚି-ରାମେଶ୍ୱରମ୍ ଜାତୀୟ ରାଜପଥରେ ଏକ ଭୟାବହ ସଡ଼କ ଦୁର୍ଘଟଣାରେ ୫ଜଣଙ୍କ ମୃତ୍ୟୁ ହୋଇଥିବା ବେଳେ ୧୯ଜଣ ଗୁରୁତର ଆହତ ହୋଇଛନ୍ତି । ପୁଲିସ୍ ରିପୋର୍ଟ ଅନୁସାରେ ସାବରିମାଲା ଯିବା ବାଟରେ କିଛି ତୀର୍ଥଯାତ୍ରୀମାନେ ରାସ୍ତାପାଶ୍ୱର୍ରେ ଥିବା ଏକ ଚା’ ଦୋକାନ ନିକଟରେ ଛିଡା ହୋଇଥିଲେ । ତେବେ ଏକ ଦ୍ରୁତଗାମୀ ଟ୍ରକ୍ ହଠାତ୍ ଚା’ ଦୋକାନ ଆଡକୁ ମାଡ଼ିଆସିଥିଲା ।
କେହି କିଛି ବୁଝିବା ପୂର୍ବରୁ ଘଟଣାସ୍ଥଳରେ ହିଁ ୫ଜଣଙ୍କ ମୃତ୍ୟୁ ହୋଇସାରିଥିଲା । ପୁଲିସ୍ କହିଛି ନମନସମୁତିରମ୍ ଥାନା ଅନ୍ତର୍ଗତ ସେବାସ୍ତିୟାପୁରମ୍ ନିକଟରେ ରାତି ପ୍ରାୟ ୧୨.୨ଠରେ ଦୁର୍ଘଟଣା ଘଟିଛି । ସିମେଣ୍ଟ ବସ୍ତା ନେଇ ଏହି ଟ୍ରକ୍ଟି ଅରିୟାଲୁର ଜିଲ୍ଲାରୁ ଶିବଗଙ୍ଗା ଜିଲ୍ଲା ଅଭିମୂଖେ ଯାଉଥିଲା । ତେବେ ଡ୍ରାଇଭରକୁ ନିଦ ଆସିଯିବାରୁ ଟ୍ରକ୍ଟି ଅନିୟନ୍ତ୍ରିତ ହୋଇ ରାସ୍ତା ପାଶ୍ୱର୍ରେ ଠିଆ ହୋଇଥିବା ଦୁଇଟି ପର୍ଯ୍ୟଟକ ଭ୍ୟାନ୍ ଓ ଗୋଟାଏ କାର୍ ସହ ଧକ୍କା ଖାଇ ଚା’ ଦୋକାନ ଭିତରକୁ ପଶିଯାଇଥିଲା । ୩୯ ବର୍ଷୀୟ ଡ୍ରାଇଭରକୁ ଗିରଫ କରାଯାଇଛି ।
