ଅହମ୍ମଦାବାଦ : ଆଇପିଏଲ-୨୦୨୨ର ଫାଇନାଲ ଫାଇଟ । ରାତି ୮ଟାରେ ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଟ୍ରଫି ପାଇଁ ଗୁଜରାଟ ଟାଇଟନସ ଓ ରାଜସ୍ଥାନ ରୋୟାଲସ ମଧ୍ୟରେ ଲଢେଇ ହେବ । ପ୍ରଥମ ଥର ପାଇଁ ଆଇପିଏଲ ଖେଳୁଥିବା ଗୁଜୁରାଟ ଟାଇଟନସ ପଏଂଟ ତାଲିକାର ଶୀର୍ଷରେ ରହି କ୍ୱାଲିଫାୟରକୁ ଯାଇଥିଲା । ସେଠାରେ ରାଜସ୍ଥାନ ରୟାଲସକୁ ହରାଇ ପ୍ରଥମ ଦଳ ଭାବେ ଫାଇନାଲରେ ପ୍ରବେଶ କରିଥିଲା । ଅନ୍ୟପଟେ ରାଜସ୍ଥାନ ଦ୍ୱିତୀୟ କ୍ୱାଲିଫାୟାରରେ ଏଲିମିନେଟର ମ୍ୟାଚର ବିଜେତା ରୋୟାଲ ଚାଲେଞ୍ଜର୍ସ ବାଙ୍ଗାଲୋରକୁ ସହଜରେ ହରାଇ ଫାଇନାଲ ଟିକେଟ ହାସଲ କରିଛି । ପୂରା ବିଶ୍ୱର ନଜର ଆଜି ଆଇପିଏଲ ଫାଇନାଲ ଉପରେ ରହିବ। ଆଜି ହୁଏ ତ ଆଇପିଏଲକୁ ଏକ ନୂଆ ଚାମ୍ପିଅନ ମିଳିବା କିମ୍ବା ରାଜସ୍ଥାନ ୧୪ ବର୍ଷର ଇତିହାସକୁ ପୁଣି ଦୋହରାଇବ। ଦୀର୍ଘ ୩୭ ଦିନର ତୀବ୍ର ସଂଘର୍ଷପୂର୍ଣ୍ଣ ମ୍ୟାଚ ତଥା ଘମାଘୋଟ ଲଢେଇ ଏବଂ ୭୩ ଉକ୍ରଣ୍ଠାପୂର୍ଣ୍ଣ ମ୍ୟାଚ ପରେ ଖେଳାଯିବ ମେଗା ଫାଇନାଲ ।
ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ପାଖାପାଖି ଏକ ଲକ୍ଷ ଦର୍ଶକଙ୍କ ଉପସ୍ଥିତରେ ଗ୍ରାଣ୍ଡ ଫିନାଲେ ଏହା ମହା ଟକ୍କର ହେବ । ପ୍ରଥମ ଥର ପାଇଁ ଆଇପିଏଲ ଖେଳୁଥିବା ଗୁଜୁରାଟ ଟାଇଟନସ ପଏଂଟ ତାଲିକାର ଶୀର୍ଷରେ ରହି କ୍ୱାଲିଫାୟରକୁ ଯାଇଥିଲା । ସେଠାରେ ରାଜସ୍ଥାନ ରୟାଲସକୁ ହରାଇ ପ୍ରଥମ ଦଳ ଭାବେ ଫାଇନାଲରେ ପ୍ରବେଶ କରିଥିଲା । ଅନ୍ୟପଟେ ରାଜସ୍ଥାନ ଦ୍ୱିତୀୟ କ୍ୱାଲିଫାୟାରରେ ଏଲିମିନେଟର ମ୍ୟାଚର ବିଜେତା ରୋୟାଲ ଚାଲେଞ୍ଜର୍ସ ବାଙ୍ଗାଲୋରକୁ ସହଜରେ ହରାଇ ଫାଇନାଲ ଟିକେଟ ହାସଲ କରିଛି । ଏବେ ରାଜସ୍ଥାନ ପାଖରେ କ୍ୱାଲିଫାୟାର ପରାଜୟର ମଧୁର ପ୍ରତିଶୋଧ ନେବାର ସୁଯୋଗ ରହିଛି । ସେହିପରି ପ୍ରଥମ ଥର ପାଇଁ ଆଇପିଏଲ ମ୍ୟାଚ ଖେଳୁଥିବା ଗୁଜୁରାଟ ଟାଇଟନସ ଚାଂପିଅନ ହେବାର ସୁବର୍ଣ୍ଣ ସୁଯୋଗ ରହିଛି ।
