ନୂଆଦିଲ୍ଲୀ : ମଧ୍ୟପ୍ରଦେଶର ସିଓନିରେ ଗୋଟିଏ ବାଘ ଘୁଷୁରୀକୁ ଶିକାର କରିବା ପାଇଁ ପିଛା କରୁଥିଲା । ପିଛା କରି ଉଭୟେ କୂଅଁରେ ପଡିଯାଇଥିଲେ । ଏଭଳି ଘଟଣା କୁରାଇ ଅଞ୍ଚଳର ପିପାରିୟା ହରଦୁଲି ଗାଁରେ ଘଟିଛି । ଏହା ଦେଖି ସ୍ଥାନୀୟ ଲୋକେ ତୁରନ୍ତ ବନବିଭାଗକୁ ଖବର ଦେଇଥିଲେ । ଏହି ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।ବାଘଟି ଘୁଷୁରୀକୁ ଖାଇବା ପାଇଁ ଯାଇ କୂଅରେ ପଡିଯାଇଥିଲା । ସ୍ଥାନୀୟ ଲୋକେ ବନବିଭାଗକୁ ସୂଚନା ଦେବା ମାତ୍ରେ ବନ ବିଭାଗ ଘଟଣାସ୍ଥଳରେ ପହଞ୍ଚି ଉଦ୍ଧାର କରିବା ଆରମ୍ଭ କରିଥିଲେ । ଏହି ଉଦ୍ଧାର କାଯ୍ୟରେ ଜିଲ୍ଲା ପ୍ରଶାସନ ଏବଂ ପୋଲିସ ସାମିଲ ଥିଲେ । ସେମାନଙ୍କୁ କୂଅରୁ ବାହାର କରିବା ପାଇଁ ଏକ କ୍ରେନ ବ୍ୟବହାର କରାଯାଇଥିଲା । ଏବଂ କାଠରେ ତିଆରି ଖଟୁଳୀକୁ କୂଅଁ ଭିତରକୁ ଛାଡିଥିଲେ । ଉଭୟେ ସେହି ଖଟୁଳୀ ଉପରେ ବସିଥିଲେ । ସେହି ସମୟରେ ବାଘଟି ପୁରାପୁରି ଭୁଲିଯାଇଛି ଯେ ଘୁଷୁରୀକୁ ଶିକାର କରିବ ବୋଲି । ଦୀର୍ଘ ୪ ଘଣ୍ଟାର ସମୟ ପରେ ଉଭୟେ ଉଦ୍ଧାର ହୋଇଥିଲେ । ତାପରେ ବାଘଟିକୁ ବାଘ ଅଭୟାରଣ୍ୟରେ ଛଡାଯାଇଥିଲା ।
A tiger and a boar ccidentally fell into a well in Pipariya village near the reaserve. Thanks to the swift action of the Pench Tiger Reserve rescue team, big cat and boar were safely rescued! With expert coordination & care, both animals were pulled out unharmed and released back pic.twitter.com/s8lRZH8mN5
— Pench Tiger Reserve (@PenchMP) February 4, 2025
