ରାୟଗଡା ଜିଲ୍ଲା ରେ ତ୍ରିସ୍ତରୀୟ ପଞ୍ଚାୟତ ନିର୍ବାଚନ ଦ୍ୱିତୀୟ ଦିନର ଗଣତି ଚାଲୁ ରହିଥିବା ବେଳେ ବିଜେଡି ସର୍ବାଗ୍ରେ ରହିଥିବା ଜଣାପଡିଛି । ରାୟଗଡା ଜିଲ୍ଲାର ୨୨ ଗୋଟି ଜିଲ୍ଲା ପରିଷଦ ଆସନରୁ ଗତ କାଲି ହୋଇଥିବା ଗଣନାରେ ବିଜେଡି ୯ ଗୋଟି ଜିଲ୍ଲା ପରିଷଦ ଆସନରେ ବିଜୟ ହାସଲ କରିଥିବାବେଳେ କଂଗ୍ରେସ ଦୁଇ ଗୋଟି ଆସନରେ ବିଜୟ ହାସଲ କରିଛି ।
ସେହିଭଳି ଆଜି ୯ ଗୋଟି ଜିଲ୍ଲା ପରିଷଦ ଆସନର ଭୋଟ ଗଣତିରେ ବର୍ତ୍ତମାନ ସୁଦ୍ଧା ହୋଇଥିବା ଗଣତିରେ ବିଜେଡି ୬ ଗୋଟି ଆସନରେ ଆଗୁଆ ରହିଥିବା ବେଳେ କଂଗ୍ରେସ ୩ ଗୋଟି ଆସନରେ ଆଗୁଆ ରହିଛି । ଏହି ପରିପ୍ରେକ୍ଷୀରେ କୋରାପୁଟ ଲୋକସଭା ସାଂସଦ ଅଭିଯୋଗ କରିଛନ୍ତି ଯେ, ବିଜେଡି ଲୋକ ମାନଙ୍କୁ ଭୂତେଇ ଭୋଟ ଅକ୍ତିଆର କରିବା ସହ ସରକାରୀ କଳର ଦୁରୂପୋଯୋଗ କରିଥିବା ଗଣମାଧ୍ୟମ ସମ୍ମୁଖରେ ପ୍ରକାଶ କରିଛନ୍ତି । ଏହି ଅଭିଯୋଗ ଉପରେ ରାଜ୍ୟସଭା ସାଂସଦ ଙ୍କ କହିବା କଥା ଏହି ଅଭିଯୋଗ ର କୌଣସି ସତ୍ୟତା ନାହିଁ ଓ ଏହା ଏକ କଳ୍ପକଳ୍ପିତ କଥା ଏବଂ ଭିତ୍ତିହିନ ମନ୍ତବ୍ୟ ବୋଲି କହିବା ସହ ଆଗାମୀ ଦିନରେ ଲୋକ ସଭା ସାଂସଦ ଲୋକଙ୍କ ନିକଟତର ହୋଇ ଉନ୍ନୟନମୂଳକ କାର୍ୟ୍ୟ କରିବା ପାଇଁ ପରାମର୍ଶ ଦେଇଥିଲେ ଓ ରାୟଗଡା ଜିଲ୍ଲା ର ୨୨ ଗୋଟି ଜିଲ୍ଲା ପରିଷଦ ଆସନରୁ ବିଜେଡି ୧୮ ଗୋଟି ଜିଲ୍ଲା ପରିଷଦ ଆସନ ବିଜୟ ଲାଭ କରିବା ସହ ଜିଲ୍ଲା ପରିଷଦ ବିଜେଡି ଗଠନ କରିବ ବୋଲି ଦୃଢୋକ୍ତିର ସହ ପ୍ରକାଶ କରିଛନ୍ତି ।
ରାୟଗଡା ଜିଲ୍ଲାରେ ତ୍ରିସ୍ତରୀୟ ପଞ୍ଚାୟତ ନିର୍ବାଚନ
