ଜୟପୁର : ବାଙ୍ଗାଲୋର ଠାରୁ ଜୟପୁର ଆସୁଥିବା ଇଣ୍ଡିଗୋର ଏକ ବିମାନରେ ମହିଳା ଜଣକ କନ୍ୟା ସନ୍ତାନକୁ ଜନ୍ମ ଦେଇଛନ୍ତି । ବିମାନରେ ଯାଉଥିବା ସମୟରେ ଗର୍ଭବତୀ ମହିଳାଙ୍କର ପ୍ରସବ ଯନ୍ତ୍ରଣା ଆରମ୍ଭ ହୋଇଯାଇଥିଲା । ଯାହାଫଳରେ ତାଙ୍କ ଅବସ୍ଥାକୁ ଦୃଷ୍ଟିରେ ରଖି ବିମାନରେ ଥିବା ଡାକ୍ତର ଓ ଅନ୍ୟ କର୍ମଚାରୀ ମାନେ ସକ୍ରିୟ ହୋଇଥିଲେ । ସେମାନେ ବିମାନରେ ହିଁ ପ୍ରସବ କରାଇବା ପାଇଁ ନିଷ୍ପତି ନେଇଥିଲେ । ଏହାପରେ ମହିଳା ଜଣକ ଏକ ସୁସ୍ଥ କନ୍ୟା ସନ୍ତାନକୁ ଜନ୍ମ ଦେଇଥିଲେ । ଜୟପୁର ଏୟାରପୋର୍ଟକୁ ତତ୍କାଳରେ ଡାକ୍ତର ଓ ଆମ୍ବୁଲାନ୍ସ ସେବା ଯୋଗାଇ ଦେବା ପାଇଁ ସୂଚନା ଦିଆଯାଇଥିଲା ।
ଇଣ୍ଡିଗୋ ବିମାନ ତରଫରୁ ଏହି ସୂଚନା ଦିଆଯାଇଛି । ମହିଳା ଓ ଶିଶୁର ସ୍ୱାସ୍ଥ୍ୟ ସୁସ୍ଥ ଥିବା ଜଣା ପଡିଛି । ମହିଳାଙ୍କ ପ୍ରସବ ପାଇଁ ଡାକ୍ତର ସୁବାହନା ନଜିର ସାହାଯ୍ୟ କରିଥିଲେ । ତେବେ ଜୟପୁର ଏୟାରପୋର୍ଟ ଠାରେ ଡାକ୍ତରଙ୍କୁ ସ୍ୱାଗତ କରାଯାଇଥିଲା ଏବଂ ଜୟପୁର ଠାରେ ଇଣ୍ଡିଗୋ ଷ୍ଟାଫ ତାଙ୍କୁ ଧନ୍ୟବାଦ କାର୍ଡ ଦେଇଥିଲେ ।
