ଆନ୍ଧ୍ରପ୍ରଦେଶ: ପ୍ରଥମ ପତ୍ନୀଙ୍କ ଇନଷ୍ଟା ରିଲ୍ସ ଦେଖିବାରୁ ଗୁପ୍ତାଙ୍ଗ କାଟିଦେଲେ ଦ୍ୱିତୀୟ ପତ୍ନୀ । ଆନ୍ଧ୍ରପ୍ରଦେଶର ଏନଟିଆର ଜିଲ୍ଲାରେ ଘଟିଛି ଏଭଳି ଅଜବ ଘଟଣା । ରାଗରେ ଦ୍ୱିତୀୟ ପତ୍ନୀ ଏଭଳି କରିବା ବିଷୟରେ ଜାଣି ସ୍ଥାନୀୟ ଲୋକେ ଆଶ୍ଚର୍ଯ୍ୟ ହୋଇଛନ୍ତି । ସୂଚନା ମୁତାବକ, ଏହି ଘଟଣା ଘଟିଛି ଏନଟିଆର ଜିଲ୍ଲାର ନନ୍ଦିଗାମାରେ । ଏଠାରେ ରହୁଥିବା ଜଣେ ବ୍ୟକ୍ତି ପାଞ୍ଚ ବର୍ଷ ପୂର୍ବେ ନିଜ ପ୍ରଥମ ପତ୍ନୀଙ୍କଠାରୁ ଅଲଗା ହୋଇଥିଲେ ।
ଏହା ପରେ ସେ ଦ୍ୱିତୀୟ ଥର ବିବାହ କରି ଦ୍ୱିତୀୟ ପତ୍ନୀଙ୍କ ସହିତ ମୁପଲ୍ଲା ଅଞ୍ଚଳରେ ୫ମାସ ହେଲା ରହୁଥିଲେ । କିଛି ଦିନ ତଳେ ପୀଡ଼ିତ ସ୍ୱାମୀ ଇନଷ୍ଟାଗ୍ରାମରେ ପ୍ରଥମ ପତ୍ନୀଙ୍କ ରିଲ୍ସ ଦେଖୁଥିବା ବେଳେ ଦେଖିଦେଇଥିଲେ ଦ୍ୱିତୀୟ ପତ୍ନୀ । ଦ୍ୱିତୀୟ ବିବାହ ପରେ ଏଭଳି ପ୍ରଥମ ପତ୍ନୀଙ୍କ ରିଲ୍ସ ଦେଖିବା ତାଙ୍କ ଦ୍ୱିତୀୟ ପତ୍ନୀଙ୍କୁ ପସନ୍ଦ ଆସିନଥିଲା । କାହିଁକି ପ୍ରଥମ ପତ୍ନୀଙ୍କ ରିଲ୍ସ ଦେଖୁଛ ବୋଲି ଦ୍ୱିତୀୟ ପତ୍ନୀ ପ୍ରଶ୍ନ କରିବାରୁ ଉଭୟଙ୍କ ମଧ୍ୟରେ ବଚସା ଆରମ୍ଭ ହୋଇଥିଲା । ଝଗଡ଼ା ଏତେ ବଢ଼ିଥିଲା ଯେ, ଦ୍ୱିତୀୟ ପତ୍ନୀ ରାଗରେ ନିଜ ସ୍ୱାମୀଙ୍କ ଗୁପ୍ତାଙ୍ଗ କାଟି ଦେଇଥିଲେ । ବ୍ଲେଡ ସାହାଯ୍ୟରେ ପତ୍ନୀ ନିଜ ସ୍ୱାମୀଙ୍କ ଗୁପ୍ତାଙ୍ଗ କାଟିଥିବା ଜଣାପଡ଼ିଛି । ତେବେ ଗୁପ୍ତାଙ୍ଗ କାଟିବା ପରେ ଅଧିକ ରକ୍ତସ୍ରାବ ହେବାରୁ ଏବେ ପୀଡ଼ିତଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି । ଏପର୍ଯ୍ୟନ୍ତ କେହି ଏହି ଘଟଣାକୁ ନେଇ ପୁଲିସରେ ଅଭିଯୋଗ କରିନଥିବା ସାମ୍ନାକୁ ଆସିଛି ।
