ଆଇଜାୱଲ : ମିଜୋରାମରେ ହେବାକୁ ଥିବା ଆଗାମୀ ବିଧାନସଭା ନିର୍ବାଚନ ନିମନ୍ତେ ବିଜେପି ବୁଧବାର ଦ୍ବିତୀୟ ପର୍ଯ୍ୟାୟ ପ୍ରାର୍ଥୀ ତାଲିକା ଜାରି କରିଛି, ଏଥରେ ୯ ଜଣ ପ୍ରାର୍ଥୀଙ୍କ ନାମ ରହିଛି। ଏହା ପୂର୍ବରୁ ବିକେପି ମିଜୋରାମ ନିମନ୍ତେ ୧୨ ପ୍ରାର୍ଥୀଙ୍କ ପ୍ରଥମ ପ୍ରାର୍ଥୀ ତାଲିକା ଜାରି କରିଥିଲା । ଉଭୟ ପ୍ରାର୍ଥୀ ତାଲିକାକୁ ମିଳାଇ ବିଜେପି ଏପର୍ଯ୍ୟନ୍ତ ରାଜ୍ୟ ନିମନ୍ତେ ମୋଟ ୨୧ ଜଣ ପ୍ରାର୍ଥୀଙ୍କ ନାମ ଘୋଷଣା କରିଛି। ପାର୍ଟିର କେନ୍ଦ୍ରୀୟ ନିର୍ବାଚନ କମିଟିର ମଞ୍ଜୁର ପରେ ବିଜେପି ଜାତୀୟ ସାଧାରଣ ସମ୍ପାଦକ ତଥା କାର୍ଯ୍ୟାଳୟ ପ୍ରଭାରୀ ଅରୁଣ ସିଂହ ଦୁଇଟି ଅଲଗା ଅଲଗା ପ୍ରାର୍ଥୀ ତାଲିକା ଜାରି କରିଛନ୍ତି । ବିଜେପି ଦ୍ଵିତୀୟ ପ୍ରାର୍ଥୀ ତାଲିକାରେ ଦୁଇରିୟଲ ବିଧାନସଭା ଆସନରୁ ଏଫ୍ ଜ୍ଞାନକମିଙ୍ଗଅଙ୍ଗାଙ୍କୁ ପ୍ରାର୍ଥୀ କରିଥିବା ବେଳେ କୋଲାସିବରୁ ଆଉ ଲାଲଅଙ୍ଗଲିୟାନା, ବୁଲଭାଭଲରୁ ଜୋହମିଙ୍ଗ ଲିଆନିକ ସମେତ ୯ ପ୍ରାର୍ଥୀଙ୍କ ତାଲିକା ଜାରି କରିଛି । ସେହିପରି ପ୍ରଥମ ପ୍ରାର୍ଥୀ ତାଲିକାରେ ଇଚ୍ଛୁକ ବିଧାନସଭା ଆସନରୁ ମାଲସାବମଲଗୁଆଙ୍ଗାଙ୍କୁ ପ୍ରାର୍ଥୀ କରିଥିବା ବେଳେ ଡମାରୁ ଭନଲାଲନମୁ ଅକା,ମାମିତରୁ ଲାଲରିଙ୍ଗଲିୟାନୀ, ସେଲୋ, ସେଗଲୁରରୁ ରବିନସନଙ୍କ ସମେତ ୧୬ ପ୍ରାର୍ଥୀଙ୍କ ନାମ ଘୋଷଣା କରିଥିଲା ।
ମିଜୋରାମ ବିଧାନସଭା ନିର୍ବାଚନ ନିମନ୍ତେ ଜାରି ହେଲା ବିଜେପିର ଦ୍ୱିତୀୟ ପ୍ରାର୍ଥୀ ତାଲିକା, ପ୍ରଥମ ସୂଚୀରେ ୧୨ ଓ ଦ୍ୱିତୀୟରେ ଅଛନ୍ତି ୯ ଜଣ
