ଟାଙ୍ଗୀ : ମଦ ହେଲା କାଳ। ମଦ ପିଇ ଟ୍ରେନ୍ ଆଗକୁ ଡେଇଁ ପଡିଲେ ଯୁବକ। ଖୋର୍ଦ୍ଧା ରେଳ ଡିଭିଜନ କାଳୁପଡା ଘାଟ ରେଳ ଫାଟକ ନିକଟରେ ଏହି ଦୁର୍ଘଟଣା ଘଟିଛି। କାଳୁପଡ଼ା ଘାଟ ରେଳବାଇ ଫାଟକ ନିକଟରେ ମାଲଗାଡି ଟ୍ରେନ୍ ସମ୍ମୁଖରେ ଆତ୍ମହତ୍ୟା ଉଦ୍ୟମ କରି ଯୁବକ ଜଣକ ଗୁରୁତର ହୋଇଛନ୍ତି।
ସ୍ଥାନୀୟ ଯୁବକ ଏବଂ ଟାଙ୍ଗୀ ପୋଲିସର ସହଯୋଗରେ ଗୁରୁତର ଆହତଙ୍କୁ ଟାଙ୍ଗୀ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି। ଯୁବକଙ୍କ ଦୁଇ ହାତରେ ଆଘାତ ହୋଇଛି। ଯୁବକଙ୍କ ପରିଚୟ ମିଳିପାରି ନାହିଁ। ପ୍ରାଥମିକ ତଦନ୍ତରୁ ଯୁବକ ଜଣକ କୋରାପୁଟ ଅଞ୍ଚଳର ବୋଲି ସୂଚନା ମିଳିଛି। ସେ କାଳୁପଡ଼ା କଣ ପାଇଁ ଆସିଥିଲେ ଏବଂ କାହିଁକି ସେଠାରେ ଆତ୍ମହତ୍ୟା କରିବାକୁ ଚେଷ୍ଟା କରିଥିଲେ ତାହା ତଦନ୍ତ ପରେ ସ୍ପଷ୍ଟ ହେବ ବୋଲି ଅନୁମାନ କରାଯାଉଛି।
