ଯାଜପୁର : ଅଖିଳ ଭାରତ କୃଷକ ସଂଘର୍ଷ ସମିତି ଫେବୃଆରୀ ୨୭ତାରିଖ କୁ ମହାନ ବିପ୍ଲବୀ କ୍ରାନ୍ତିକାରୀ ତଥା ସ୍ୱାଧୀନତା ସଂଗ୍ରାମୀ ଚନ୍ଦ୍ରଶେଖର ଆଜ଼ାଦ ଙ୍କ ବଳିଦାନ ଦିବସ କୁ ଦେଶବ୍ୟାପି ସହିଦ ଦିବସ ଭାବେ ପାଳନ କରିବା ପାଇଁ ଡାକରା ଦିଆଯାଇଅଛି । ଏହି ପରିପ୍ରେକ୍ଷୀରେ ଆଇ ଏନ ଟି ୟୁ ସି ଏବଂ ସି ଆଇ ଟି ୟୁ ପକ୍ଷରୁ ମିଳିତ ଭାବେ ଡୋଲୀପୁର ନେତାଜୀ ନଗର ସ୍ଥିତ ସି ଆଇ ଟି ୟୁ କାର୍ୟ୍ୟାଳୟ ଠାରେ ସି ଆଇ ଟି ୟୁ ର ରାଜ୍ୟ ଉପ ସଭାପତି ପ୍ରଫୁଲ୍ଲ ନାୟକ ଙ୍କ ସଭାପତିତ୍ୱ ରେ ଏକ ଶ୍ରଦ୍ଧାଞ୍ଜଳି ସଭା ଅନୁଷ୍ଠିତ ହୋଇଯାଇଅଛି । ଉକ୍ତ ସଭାରେ ଆଇ ଏନ ଟି ୟୁ ସି ର ଜିଲ୍ଲା ସହ ସମ୍ପାଦକ ପରମାନନ୍ଦ ସେଠୀ, ନୃସିଂହ ପହି, ବିଜୟ କୁମାର ବୋଇତାଇ, ଚନ୍ଦ୍ରକାନ୍ତ ଖଣ୍ଡାଇ, ସତ୍ୟପ୍ରକାଶ କୁଅଁର ସି ଆଇ ଟି ୟୁ ର ବେବିନା ଜେନା, ବିଜୟ ଲଷ୍ମୀ ମହାନ୍ତି,ପ୍ରଦିପ କୁମାର ମହାନ୍ତି , ଧୀରେନ୍ଦ୍ର ବେହେରା, ଏସ କେ କରିମ ପ୍ରମୁଖ ଚନ୍ଦ୍ରଶେଖର ଆଜ଼ାଦ ୧୫ବର୍ଷ ବୟସରୁ ବ୍ରିଟିଶ ସାମ୍ରାଜ୍ୟବାଦ ବିରୁଦ୍ଧରେ ଯେଉଁ ସଂଗ୍ରାମ ଆରମ୍ଭ କରିଥିଲେ ଏବଂ ସେ ହିନ୍ଦୁସ୍ତାନ ସୋସିଆଲିଷ୍ଟ ରିପବ୍ଲିକାନ ଆସୋସିଏସନ ଗଠନ କରିଥିଲେ । ତାଙ୍କ ଆଦର୍ଶରେ ଅନୁପ୍ରାଣିତ ହୋଇ ସହିଦ ଭଗତ ସିଂହଙ୍କ ସମେତ ଶୁକଦେବ, ଜୟୀ ରାଜଗୁରୁ ଙ୍କ ଭଳି ଅନେକ ଯୁବବର୍ଗ ସାମିଲ ହୋଇ ଏହି ସଂଗ୍ରାମରେ ସହିଦ ହୋଇଥିଲେ । ଚନ୍ଦ୍ରଶେଖର ଆଜ଼ାଦ ବ୍ରିଟିଶ ମାନଙ୍କ ପାଖରେ ଆତ୍ମ ସମର୍ପଣ ନ କରି ନିଜକୁ ନିଜେ ଗୁଳି କରି ମୃତ୍ୟବରଣ କରିଥିଲେ। ଏଠାରେ ସୂଚନାଯୋଗ୍ୟ ଦିଲ୍ଲୀରେ ଚାଲିଥିବା କୃଷି ଆଇନ ପ୍ରତ୍ୟାହାର ଦାବିରେ ୯୦ଦିନରୁ ଅଧିକ ଦିନ ଧରି ଚାଲିଥିବା କୃଷକ ଆନ୍ଦୋଳନ ରେ କେନ୍ଦ୍ର ସରକାର କୌଣସି ସମାଧାନ ନ କରି କୃଷକ ନେତାଙ୍କ ନାମରେ ମିଥ୍ୟା ମୋକଦ୍ଦମା କରି ଗିରଫ କରିବା ଘଟଣା କୁ ଆଇ ଏନ ଟି ୟୁ ସି ଏବଂ ସି ଆଇ ଟି ୟୁ ପକ୍ଷରୁ ଦୃଢ଼ ନିନ୍ଦା କରାଯାଇଛି । ଏବଂ କେନ୍ଦ୍ର ସରକାର ତୁରନ୍ତ କୃଷି ବିଲ ପ୍ରତ୍ୟାହାର କରିବାକୁ ବକ୍ତା ମାନେ ଦାବି କରିଥିଲେ ।
ମହାନ ବିପ୍ଲବୀ ସ୍ୱାଧୀନତା ସଂଗ୍ରାମୀ ଚନ୍ଦ୍ରଶେଖର ଆଜ଼ାଦଙ୍କ ବଳିଦାନ ଦିବସ ଆଇ ଏନ ଟି ୟୁ ସି ଏବଂ ସି ଆଇ ଟି ୟୁ ପକ୍ଷରୁ ପାଳନ
