ନାବାଳିକାକୁ ଦୁଷ୍କର୍ମ ଅଭିଯୋଗରେ ଅଭିଯୁକ୍ତ ଗିରଫ

ସୋର: ସୋର ବ୍ଲକ ଗୋପୀନାଥପୁର ପଞ୍ଚାୟତ ବାଘଆମ୍ପୁଡା ଅଞ୍ଚଳର ଜଣେ ନାବାଳିକାକୁ ଦୁଷ୍କର୍ମ କରିଥିବା ଅଭିଯୋଗରେ ଅଭିଯୁକ୍ତକୁ ଗିରଫ କରି ଆଜି ଅପରାହ୍ନରେ କୋର୍ଟ ଚାଲାଣ କରିଛି ସୋର ପୁଲିସ । ଗତ ୨୦୧୬ ଡିସେମ୍ବର ୭ ତାରିଖରେ ବାଘଆମ୍ପୁଡ଼ା ଅଞ୍ଚଳର ଜଣେ ନାବାଳିକାକୁ ସୋର ଥାନା ବେଲଦା ଗ୍ରାମର ଅଜୟ ମହାରଣା (୫୬) ଦୁଷ୍କର୍ମ କରିଥିବା ନେଇ ନାବାଳିକାଙ୍କ ପରିବାର ତରଫରୁ ଥାନାରେ ଅଭିଯୋଗ ହୋଇଥିଲା । ସୋର ପୁଲିସ ଏକ ମାମଲା ରୁଜୁ କରି ଘଟଣାର ତଦନ୍ତ କରୁଥିବା ବେଳେ ଅଜୟ ଫେରାର ଥିଲା । ଗତକାଲି ରାତିରେ ଅଜୟ ଘରେ ଥିବା ନେଇ ବିଶେଷ ସୂତ୍ରରୁ ଖବର ପାଇ ପୁଲିସ ଅଜୟ ଘରେ ଚଢ଼ଉ କରି ତାକୁ ଗିରଫ କରିଥିଲା । ଆଜି ପୂର୍ବାହ୍ନରେ ଡାକ୍ତରୀ ମାଇନା ପରେ ଅପରାହ୍ନରେ ଅଜୟକୁ ବାଲେଶ୍ୱର ପୋକ୍‌ସୋ କୋର୍ଟକୁ ଚାଲାଣ କରାଯାଇଛି ।