ଆଶ୍ଚର୍ଯ୍ୟ! ଏହି ମହିଳାଙ୍କ ଆଖିରୁ ବାହାରୁଛି ପଥର….

ବେଙ୍ଗାଲୁରୁ: ବେଙ୍ଗାଲୁରୁ ମହୀଶୂର ଅଞ୍ଚଳରେ ଜଣେ ମହିଳାଙ୍କ ଆଖିରୁ ବାହାରୁଛି ପଥର । ସାଧାରଣତଃ ଆଖିରେ ଛୋଟ ବାଲି କଣିକାଟିଏ ପଡ଼ିଗଲେ ଆମକୁ କଷ୍ଟ ହୋଇଥାଏ । ହେଲେ ଏଠାରେ ମହିଳାଙ୍କ ଆଖିରୁ ପଥର ବାହାରିବା ନିଶ୍ଚିତ ଏକ ଆଶ୍ଚର୍ଯ୍ୟକର ଘଟଣା । ଗୋଟିଏ କି ଦୁଇଟି ନୁହେଁ, ଏହି ମହିଳାଙ୍କ ଆଖିରୁ ପ୍ରାୟ ୨୦୦ରୁ ଅଧିକ ଛୋଟ ଛୋଟ ପଥର ବାହାରିଥିବା ଦେଖିବାକୁ ମିଳିଛି । ବେଙ୍କିପୁର ଗ୍ରାମର ୩୫ ବର୍ଷୀୟ ମହିଳାଙ୍କ ନାମ ହେଉଛି ଜରିନା ତାଜ୍ । ସେ ଜଣେ ଶିକ୍ଷୟତ୍ରୀ ଭାବେ କାର୍ଯ୍ୟ କରନ୍ତି । କିଛି ଦିନ ପୂର୍ବେ ତାଙ୍କର ପ୍ରଥମେ ମୁଣ୍ଡ ବିନ୍ଧିଥିଲା । ଏହାପରେ ଆଖିରୁ ପାଣି ବାହାରିଥିବା ବେଳେ ତା’ ସହିତ ପଥର ବାହାରିଥିଲା । ଯାହାକୁ ଦେଖି ଶିକ୍ଷୟିତ୍ରୀ ମଧ୍ୟ ଆଶ୍ଚର୍ଯ୍ୟ ହୋଇ ପଡ଼ିଥିଲେ । ଏହାପରେ ସେ ସଙ୍ଗେ ସଙ୍ଗେ ନିକଟସ୍ଥ ସ୍ୱାସ୍ଥ୍ୟକେନ୍ଦ୍ରରୁ ଯାଇଥିଲେ । ଏହା ଏକ ପ୍ରକାର ଆଖି ରୋଗ ବୋଲି କହିଛନ୍ତି ଡାକ୍ତର । ମହୀଶୂର କେ.ଆର ହସ୍ପିଟାଲରେ ଆଖି ଡାକ୍ତରଙ୍କୁ ଏନେଇ ପରାମର୍ଶ ନେବା ଲାଗି ସ୍ୱାସ୍ଥ୍ୟକେନ୍ଦ୍ରରେ ଥିବା ଡାକ୍ତର କହିଛନ୍ତି ।