ସମ୍ବଲପୁର: ସମ୍ବଲପୁର ଜେଲରେ ଗିରଫ ଓକିଲଙ୍କୁ ଭେଟିବାକୁ ପହଞ୍ଚିଛନ୍ତି ବିଜେପିର ପ୍ରତିନିଧି ଦଳ । ଓକିଲମାନଙ୍କୁ ଭେଟିବା ପରେ ପ୍ରତିକ୍ରିୟା ରଖିଛନ୍ତି ସାଂସଦ ସୁରେଶ ପୂଜାରୀ । ଏହି ମାମଲାର ନ୍ୟାୟିକ ତଦନ୍ତ ହେଲେ କେଉଁ ପରିସ୍ଥିତିରେ ଘଟିଲା ତାହା ସ୍ପଷ୍ଟ ହୋଇଯିବ ବୋଲି ସେ କହିଛନ୍ତି ।
ତେବେ ଗିରଫଦାରୀ ବନ୍ଦ କରିବା ସହିତ ଆଗକୁ ଆଉ କାହାକୁ ଗିରଫ ନ କରିବା ପାଇଁ ପ୍ରଶାସନକୁ ନିବେଦନ କରିଛି ବିଜେପି ଦଳ । ଭୟ ଏବଂ ଆତଙ୍କର ବାତାବରଣ ଦୂର କରିବା ପାଇଁ ପ୍ରଶାସନକୁ ଦାବି ମଧ୍ୟ ହୋଇଛି । ତେବେ ସ୍ଥାନୀୟ ବେଞ୍ଚପାଇଁ ରାଜ୍ୟ ସରକାର ଖୁବଶୀଘ୍ର ପୂର୍ଣ୍ଣାଙ୍ଗ ପ୍ରସ୍ତାବ ନିଅନ୍ତୁ ବୋଲି ବିଜେପିର ଏହି ପ୍ରତିନିଧି ଦଳ ଦାବି କରିଛନ୍ତି ।
