କନ୍ଧମାଳ : କନ୍ଧମାଳ ଜିଲା ଖଜୁରିପଡ଼ା ଥାନା ଅନ୍ତର୍ଗତ ସମ୍ବେପଦର ଅଞ୍ଚଳର ଜଣେ ୧୭ ବର୍ଷର ନାବାଳିକା ଘରେ କେହି ନଥିବା ସମୟରେ ବେକରେ ନିଜ ଓଢଣୀ ଲଗାଇ ମଙ୍ଗଳବାର ଆତ୍ମହତ୍ୟା କରିଥିବାର ଥାନାରେ ଅଭିଯୋଗ ହୋଇଛି । ଅଭିଯୋଗ ପ୍ରକାରେ ପୁଲିସ୍ ଏକ ଅପମୃତ୍ୟୁ ମାମଲା ରୁଜୁକରି ଶବକୁ ଜବତ କରିବା ସହିତ ବ୍ୟବଚ୍ଛେଦ ପାଇଁ ଫୁଲବାଣୀ ମୁଖ୍ୟ ଚିକିତ୍ସାଳୟକୁ ପଠାଇଥିବା ବେଳେ ଏନେଇ ମୃତ ନାବାଳିକାଙ୍କ ଭାଇ କ୍ଷୀରୋଦ ବେହେରା ଥାନାରେ ଏତଲାରେ ଦେଇଛନ୍ତି ।
ଏତଲା ପ୍ରକାରେ ତାଙ୍କ ସାନ ଭଉଣୀଙ୍କ ଆତ୍ମହତ୍ୟା ପାଇଁ ୪ ଜଣ ଦାୟୀ ବୋଲି ଅଭିଯୋଗ କରି ଏତଲାରେ ଦର୍ଶାଇବା ସହିତ ନ୍ୟାୟ ପାଇଁ ପ୍ରାର୍ଥନା କରିଛନ୍ତି । ନାବାଳିକାଙ୍କ ଆତ୍ମହତ୍ୟାକୁ ନେଇ ସଂପୃକ୍ତ ଅଞ୍ଚଳରେ ଶୋକରଛାୟା ଖେଳିଯାଇଥିବା ବେଳେ ନିକଟରେ ଏକ ଦୁର୍ଘଟଣାରେ ତାଙ୍କ ବାପା ଦୁର୍ବାସା ବେହେରା ପ୍ରାଣ ହରାଇଥିଲେ ।
