ପ୍ରଫେସରଙ୍କ ସାଥିରେ ବୟଫ୍ରେଣ୍ଡ ଓ ଗାର୍ଲଫ୍ରେଣ୍ଡ ମିଶି ଯାହା କଲେ ଜାଣିଲେ ହୋସ୍ ଉଡ଼ିବ…..

ନୂଆଦିଲ୍ଲୀ: ଜଣେ ୨୬ ବର୍ଷୀୟା ଯୁବତୀ ଓ ତା’ର ବୟଫ୍ରେଣ୍ଡ୍ ସହିତ ମିଶି ନିଜ ପ୍ରଫେସରକୁ ଛୁରୀ ଭୁସି ହତ୍ୟା କରିଥିବା ଜଣାପଡ଼ିଛି । ଏହିଭଳି ଏକ ଖବର ସାମନାକୁ ଆସିଛି ଚେନ୍ନାଇରୁ । ଉକ୍ତ ଯୁବତୀ ଜଣକ ଅଭିଯୋଗ କରିଛନ୍ତି ଯେ, ପ୍ରଫେସର ଜଣକ ତାଙ୍କୁ ବାରମ୍ବାର ହଇରାଣ କରୁଥିଲେ ଓ ବିବାହ କରିବାକୁ ବାଧ୍ୟ କରୁଥିଲେ । ପୋଲିସ କହିଛି ଯେ, ଅଭିଯୁକ୍ତ ଯୁବତୀ(୨୬) ଓ ତାର ବୟଫ୍ରେଣ୍ଡ(୪୩)ର ମିଶି ପ୍ରଫେସରଙ୍କର ଗଳାକାଟି ହତ୍ୟା କରିବା ସହିତ ବାରମ୍ବାର ଛୁରୀ ଭୁସି ଆକ୍ରମଣ କରିଛନ୍ତି । ଏହି ଘଟଣା ଗୁରୁବାର ପାଖାପାଖି ୧ଟା ୩୦ ସମୟରେ କେଲମବକ୍କମ୍ ରେ ଥିବା ଏକ କଲେଜ୍ ନିକଟରେ ହୋଇଛି । ଯେଉଁଠାରେ ଉକ୍ତ ଯୁବତୀ ପଢ଼ୁଥିଲେ । ତେବେ ଯୁବତୀ ଓ ତାଙ୍କ ବୟଫ୍ରେଣ୍ଡ୍ ବିରୋଧରେ ଏକ ମାମଲା ରୁଜୁ କରିଛି ପୋଲିସ । ଅନ୍ୟପଟେ ପୋଲିସ ପ୍ରାଥମିକ ତଦନ୍ତରୁ କହିଛି ଯେ, ମୃତ ବ୍ୟକ୍ତି ଜଣକ ପ୍ରଫେସର ଭାବରେ କାର୍ଯ୍ୟରତ ଥିଲେ । ତାଙ୍କର ବିବାହ ମଧ୍ୟ ହୋଇସାରିଥିଲା । ଅଭିଯୁକ୍ତ ଯୁବତୀ ଓ ପ୍ରଫେସର ଦୁହେଁ ଦୁହିଁଙ୍କୁ ସ୍ନାତକ ସମୟରୁ ଜାଣିଛନ୍ତି । ପ୍ରଫେସର ଜଣକ ନିଜ ସ୍ତ୍ରୀକୁ ଛାଡ଼ି ଅଭିଯୁକ୍ତ ମହିଳାଙ୍କୁ ବିବାହ କରି ତାଙ୍କ ସହିତ ରହିବାକୁ କହିଥିଲେ ଓ ବାରମ୍ବାର ତାଙ୍କୁ ପିଛା କରୁଥିଲେ ବୋଲି ଜଣାପଡ଼ିଛି ।