ସିଡ୍ନୀ: ଅଷ୍ଟ୍ରେଲିଆର ବ୍ୟାଟିଂ ଅଲ୍ରାଉଣ୍ଡର୍ ମାର୍କସ୍ ଷ୍ଟୋଇନିସ୍ ନ୍ୟୁଜିଲାଣ୍ଡ ବିପକ୍ଷ ତିନି ମ୍ୟାଚ୍ ବିଶିଷ୍ଟ ଟି-୨୦ ସିରିଜ୍ରୁ ବାଦ୍ ପଡ଼ିଛନ୍ତି । ରିପୋର୍ଟ ଅନୁସାରେ ପିଠିରେ ଆଘାତ କାରଣରୁ ଷ୍ଟୋଇନିସ୍ ସିରିଜ୍ରୁ ବାଦ୍ ପଡ଼ିଛନ୍ତି ।
ୱେଷ୍ଟଇଣ୍ଡିଜ୍ ବିପକ୍ଷ ଦ୍ୱିତୀୟ ମ୍ୟାଚ୍ ପୂର୍ବରୁ ତାଙ୍କ ପିଠିରେ ଆଘାତ ଲାଗିଥିଲା । ତାଙ୍କ ସ୍ଥାନରେ ଆରୋନ୍ ହାର୍ଡିଙ୍କୁ ଟିମ୍ରେ ସାମିଲ କରାଯାଇଛି । ଅବଶ୍ୟ ଏହାକୁ ନେଇ କ୍ରିକେଟ୍ ଅଷ୍ଟ୍ରେଲିଆ (ସିଏ)ର କୌଣସି ବୟାନ ଆସିନି । ଜୁନ୍ରେ ହେବାକୁ ଥିବା ଟି-୨୦ ବିଶ୍ୱକପ୍ ପୂର୍ବରୁ ଏହା ଅଷ୍ଟ୍ରେଲିଆର ଅନ୍ତିମ ଟି-୨୦ ସିରିଜ୍ । ଅଷ୍ଟ୍ରେଲିଆ ଆସନ୍ତା ୨୧ରେ ନ୍ୟୁଜିଲାଣ୍ଡ ଗସ୍ତ କରି ତିନିଟି ଟି-୨୦ ଏବଂ ଦୁଇଟି ଟେଷ୍ଟ୍ ମ୍ୟାଚ୍ ଖେଳିବ ।
