ଭୁବନେଶ୍ୱର : ପୂର୍ବତଟ ରେଳ ଜୋନ ଅଧିନରେ ଥିବା ୱାଲଟିୟର ଡିଭିଜନର ମୁଖ୍ୟ ଅଂଶକୁ ନବଗଠିତ ଆନ୍ଧ୍ରପ୍ରଦେଶର ଦକ୍ଷିଣତଟ ରେଳ ଜୋନରେ ସମ୍ମିଶ୍ରଣ କରିବାକୁ କେନ୍ଦ୍ର କ୍ୟାବିନେଟ ଗତ ୭ ଫେବୃଆରୀରେ ମଞ୍ଜୁରୀ ପ୍ରଦାନ କରିଛନ୍ତି । କେନ୍ଦ୍ର ସରକାର ଙ୍କ ନିଷ୍ପତ୍ତି ଅନୁଯାଇ ଆନ୍ଦ୍ରପ୍ରଦେଶ କୈନ୍ଦ୍ରିକ ଏହି ରେଳ ଜୋନ କାଯ୍ୟକ୍ଷମ ହେବାକୁ ଯାଉଛି । ଏହା ଅଧିନରେ ଗୁଣ୍ଟୁର ବିଜୟୱାଡା , ଗୁଣ୍ଟାକାଲ ୩ଟି ଡିଭିଜନ ରହିବା ସଙ୍ଗେ ସଙ୍ଗେ , ଏବେ ୱାଲଟିୟର ଡିଭିଜନକୁ ବିଲୀନ କରି ଏକ ନୂଆ ବିଶାଖାପାଟନା ଡିଭିଜନ କରାଯାଇ ଏଥିରେ ସଂଯୋଗୀକରଣ କରାଗଲା । ଏହି ନିଷ୍ପତ୍ତିର ପରିମାଣ ସ୍ୱରୁପ ପୂର୍ବତଟ ରେଳ ଜୋନ କୁ ପ୍ରାୟ ବାର୍ଷିକ ୧୦ ହଜାର କୋଟି ଟଙ୍କାର ରାଜସ୍ୱ ହରାଇବାକୁ ପଡିବ । ପୂର୍ବତଟ ରେଳ ଜୋନ ପ୍ରତି ଆର୍ଥିକ ବର୍ଷରେ ପ୍ରାୟ ୨୦ ହଜାର କୋଟି ଟଙ୍କାରୁ ଉଦ୍ଧ୍ୱ ରାଜସ୍ୱ ପ୍ରଦାନ କରିଆସୁଛି । ରାଜସ୍ୱ ପ୍ରଦାନ ଦେଶର ୧ ନମ୍ବର ହୋଇ ଆସୁଥିବା ପୂର୍ବତଟ ରେଳ ଜୋନ ଏବେ ୧୦ ନମ୍ବରକୁ ଖସିଯିବ । ଦେଶର ରେଳମନ୍ତ୍ରୀ ଶ୍ରୀ ଅଶ୍ୱିନୀ ବୈଷ୍ଣବ ଓଡିଶାରୁ ରାଜ୍ୟସଭାକୁ ଯାଇ ମନ୍ତ୍ରୀ ସଭାରେ ଓଡିଶାକୁ ପ୍ରତିନିଧିତ୍ୱ କରୁଥିବା ବେଳେ ରାଜ୍ୟ ସ୍ୱାର୍ଥ୍ୟ ବିରୋଧରେ ଏ ପ୍ରକାର ନିଷ୍ପତ୍ତିରେ ଅଂଶୀଦାର ହେବା ସମସ୍ତଙ୍କୁ ଆଶ୍ଚଯ୍ୟ କରିଛି । କେନ୍ଦ୍ର ସରକାରଙ୍କ ଏହି ନିଷ୍ପତ୍ତି ଦ୍ୱାରା ପୂର୍ୱତଟ ରେଳ ଜୋନ ଉଭୟ ଆର୍ଥିକ ଓ ଭିତ୍ତିଭୂମି ଦୃଷ୍ଟିରୁ ପଙ୍ଗୁ ହେବାକୁ ଯାଉଛି । ଆପଣ ଜାଣନ୍ତି ଯେ ୧୯୯୬ ମସିହାରେ କେନ୍ଦ୍ରରେ ୟୁନାଇଟେଡ ପ୍ରଣ୍ଟ ସରକାର ଶ୍ରୀଯୁକ୍ତ ଏଚ .ଡି ଦେବଗୌଡାଙ୍କ ନେତୃତ୍ୱରେ ଥିବା ସମୟରେ ପୂର୍ୱତଟ ରେଳଜୋନ ପ୍ରତିଷ୍ଠା କରାଯାଇଥିଲା । ଏହି ମନ୍ତ୍ରୀ ସଭାରେ ରାମବିଳାସ ପାଶ୍ୱାନ ରେଳ ମନ୍ତ୍ରୀ ଏବଂ ମୁଁ ସଂସଦୀୟ ବ୍ୟାପାର ମନ୍ତ୍ରୀ ଭାବେ କାଯ୍ୟ କରୁଥିଲି । ଓଡିଶାରେ ରେଳବାଇ ଜୋନ ପ୍ରତିଷ୍ଠା ନେଇ ଅନେକ ଆନ୍ଦୋଳନ ହୋଇଛି । ସେ ସମୟରେ ବହୁ ଛାତ୍ର ଓ ଯୁବ ନେତାଙ୍କ ସମେତ ମୁଁ ମଧ୍ୟ ଜେଲ ଯାଇଛି । ପ୍ରାକ ସ୍ୱାଧିନତା କାଳରୁ ରେଳବାଇ ଭାରତର ଏକତା ରକ୍ଷା କରିବାରେ ଏକ ଭୁମିକା ସର୍ୱଦା ଗ୍ରହଣ କରିଛି । ରାଜ୍ୟ କୈନ୍ଦ୍ରିକ ରେଳ ଜୋନ ପ୍ରତିଷ୍ଠା ହେଲେ ଦେଶର ଅନ୍ୟ ଅଞ୍ଚଳର ଏହି ଦାବି ତୀବ୍ରତାର ହେବା ସ୍ୱାଭାବିକ । ପୂର୍ୱତଟ ରେଳ ଜୋନ ପ୍ରତିଷ୍ଠା ସମୟରେ ୱାଲଟିୟର ଡିଭିଜନର ଯେଉଁ ଅଂଶ ଆଜି ଦକ୍ଷିଣତଟ ରେଳ ଜେନ ରେ ସମ୍ମିଶ୍ରଣ ନେଇ ନିଷ୍ପତ୍ତି ନିଆଯାଇଛି । ତାହା ପୂର୍ବତଟ ରେଳ ଜୋନ ପ୍ରତିଷ୍ଠା ସମୟରେ ମଧ୍ୟ ଆନ୍ଧ୍ରପ୍ରଦେଶ ପକ୍ଷରୁ ପ୍ରବଳ ଦାବି କରାଯାଇଥିଲା । କିନ୍ତୁ ତତ୍କାଳୀନ କେନ୍ଦ୍ର ସରକାର କୌଣସି ଚାପର ବଶବର୍ତ୍ତୀ ନହୋଇ ୱାଲଟିୟର , ଖୋଦ୍ଧାରୋଡ ଓ ସମ୍ବଲପୁର ଡିଭିଜନକୁ ନେଇ ପୂର୍ୱତଟ ରେଳଜୋନ ପ୍ରତିଷ୍ଠା କରିଥିଲେ । ୱାଲଟିୟର ଡିଭିଜନର ମୁଖ୍ୟାଂଶ ଆନ୍ଧ୍ର ପ୍ରଦେଶର ରେଳ ଜୋନରେ ସାମିଲ ହେବା ହେତୁ ଓଡିଶାର ବୃହତ୍ତର ସ୍ୱାର୍ଥକୁ ଦୃଷ୍ଟିରେ ରଖି ରାଜ୍ୟର ସୁନ୍ଦରଗଡ , ଝାରସୁଗୁଡା, ମୟୁରଭଞ୍ଚ ଏବଂ ବାଲେଶ୍ୱର ଜିଲ୍ଲାର ରେଳ ପ୍ରକଳ୍ପ ଓଡିଶା ବାହାରେ ଥିବା ରେଳ ଜୋନରୁ ଆଣି ପୂର୍ୱତଟ ରେଳ ଜୋନ ରେ ମିଶ୍ରଣ କରିବାକୁ ଓଡିଶା ବିଧାନସଭା ସର୍ୱସମ୍ମତ ପ୍ରସ୍ତାବ ଗ୍ରହଣ କରୁଛି ।
