ନୂଆଦିଲ୍ଲୀ: ବରିଷ୍ଠ ଆପ୍ ନେତା ତଥା ଦିଲ୍ଲୀର ପୂର୍ବତନ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆ ପୁଣି ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଛନ୍ତି । ଦିଲ୍ଲୀ ଅବକାରୀ ଦୁର୍ନୀତି ମାମଲାରେ ସିସୋଦିଆଙ୍କୁ ଗିରଫ କରାଯାଇଥିବାବେଳେ ସୁପ୍ରିମକୋର୍ଟ ପୂର୍ବରୁ ତାଙ୍କର ଜାମିନ ଆବେଦନକୁ ଖାରଜ କରିଦେଇଛନ୍ତି ।
ଏହି ନିଷ୍ପତ୍ତିର ପୁନର୍ବିଚାର କରିବାକୁ ସିସୋଦିଆ ସୁପ୍ରିମକୋର୍ଟରେ ସାନି ପିଟିସନ ଦାଏର କରିଛନ୍ତି । ଅବକାରୀ ଦୁର୍ନୀତିରେ ଅଭିଯୁକ୍ତମାନେ ୩୩୮ କୋଟି ଟଙ୍କାର ମୁନାଫା କମାଇଥିଲେ ବୋଲି ଦର୍ଶାଇ ସୁପ୍ରିମକୋର୍ଟ ଅକ୍ଟୋବର ୩୦ରେ ସିସୋଦିଆଙ୍କ ଜାମିନ ଆବେଦନକୁ ଖାରଜ କରିଦେଇଥିଲେ ।
