ବ୍ୟୁରୋ: ପ୍ରେମିକକୁ ନେଇ ତୁମୂଳକାଣ୍ଡ । ଜଣେ ଯୁବତୀ ନିଜ ପ୍ରେମିକ ସହିତ ମେଳା ବୁଲୁଥିବା ବେଳେ ଅନ୍ୟ ୫ ଜଣ ଯୁବତୀ କଲେ ମରଣାନ୍ତକ ଆକ୍ରମଣ । ଏହି ଘଟଣା ବିହାରର ସାରଣ ଜିଲ୍ଲାର ବୋଲି ଜଣାପଡିଛି । ଯେଉଁଠି ଜଣେ ଯୁବତୀକୁ ଅନ୍ୟ ୫ ଜଣ ଯୁବତୀ ନିସ୍ତୁକ ମାଡ ମାରିଛନ୍ତି । ଆଉ ଏହାର ଭିଡିଓ ଏବେ ସୋସିଆଲ ମିଡିଆରେ ଭାଇରଲ ହେବାରେ ଲାଗିଛି । ଭାଇରଲ ହୋଇଥିବା ଭିଡିଓରେ ଜଣେ ଯୁବତୀଙ୍କୁ ଅନ୍ୟ ୫ ଜଣ ଯୁବତୀ ମାରିବାରେ ଲାଗିଛନ୍ତି । କିଏ ଗୋଇଠା ତ ଆଉ କିଏ ମୁଥ ମାରି ଚାଲିଛି ।
କିଏ ଚୁଟିକୁ ଘୋଷାଡି ତଳେ ପକାଇବାକୁ ଚେଷ୍ଟା କରୁଛି । ଏହି ସମୟରେ କିଛି ଯୁବକ ଝଗଡା ଛଡାଇବାକୁ ଚେଷ୍ଟା କରୁଥିବା ବେଳେ ୫ ଜଣ ଯୁବତୀ କିନ୍ତୁ ଛାଡୁନାହାନ୍ତି । ଯୁବତୀ ଜଣକୁ ତଳେ ପକାଇ ମାରି ଚାଲିଛନ୍ତି । ସୂଚନା ଅନୁଯାୟୀ, ୫ ଜଣ ଯୁବତୀଙ୍କ ମଧ୍ୟରୁ ଜଣକୁ ପ୍ରେମ କରୁଥିଲେ ଯୁବକ । ଆଉ ଅନ୍ୟ ଜଣେ ଯୁବତୀଙ୍କ ସହିତ ମେଳାରେ ବୁଲୁଥିବାର ଦେଖିଦେଇଥିଲେ ଏହି ୫ ଜଣ ଯୁବତୀ । ଆଉ ପ୍ରେମିକ ଅନ୍ୟ ଜଣକ ସହିତ ବୁଲିବାର ଦେଖି ମାରିବାକୁ ଆରମ୍ଭ କରିଥିଲେ । ୫ ଜଣ ଯୁବତୀ ମିଶି ଅନ୍ୟ ଜଣେ ଯୁବତୀଙ୍କୁ ମୁଥ, ବିଧା, ଗୋଇଠା ମାରିଥିଲେ । ଚୁଟି ଘୋଷାଡି ତଳେ ପକାଇ ଦେଇଥିଲେ । ୫ ଜଣ ଯୁବତୀଙ୍କୁ ଅଟକାଇବା ପାଇଁ ସେଠାରେ ଉପସ୍ଥିତ ଥିବା ଯୁବକ ଚେଷ୍ଟା କରିଥିଲେ କିନ୍ତୁ ୫ଜଣ ଯୁବତୀ କିଛି ଶୁଣିନଥିଲେ। ଚୁଟି ଭିଡି ତଳେ ପକାଇ ମାରିଥିଲେ । ଯୁବତୀ ଜଣକ ଯେତେ ନେହୁରା ହୋଇଥିଲେ ମଧ୍ୟ ଶୁଣିନଥିଲେ । ସେଠାରୁ କେହି ଜଣେ ଭିଡିଓ କରି ସୋସିଆଲ ମିଡିଆରେ ଅପଲୋଡ କରି ଭାଇରଲ କରିଥିଲେ ।
