ଦମ ଅଛି ତ ବିଜେଡି ଏକା ଲଢିବ ବୋଲି କହୁ : ପ୍ରଦୀପ ପାଣିଗ୍ରାହୀ

ଭୁବନେଶ୍ୱର : ବିଜେଡି ଓ ବିଜେପି ମଧ୍ୟରେ ମେଣ୍ଟ ହେବ ନା ନାହିଁ? ସେନେଇ ସସ୍‌ପେନ୍ସ ଜାରି ରହିଛି। ଯଦି ମେଣ୍ଟ ହୁଏ ତେବେ କିଏ କେତେ ଆସନ ପାଇବ। ଗତ କିଛିଦିନ ଧରି ଏହାକୁ ନେଇ ଚର୍ଚ୍ଚା ଜୋର ଧରିଛି। ଅନ୍ୟପଟେ ବିଜେପି ଓ ବିଜେଡି ଭିତରେ ମେଣ୍ଟ ଚର୍ଚ୍ଚା ନିକଟରେ ବିଜେପିରେ ମିଶିଥିବା ପ୍ରଦୀପ ପାଣିଗ୍ରାହୀ ଖୋଲା ଚ୍ୟାଲେଞ୍ଜ ଦେଇଛନ୍ତି । ଦମ ଅଛି ତ ବିଜେଡି ଏକା ଲଢିବ ବୋଲି କହୁ ବୋଲି ପ୍ରଦୀପ କହିଛନ୍ତି । ଏହାଛଡ଼ା ସେ କହିଛନ୍ତି ଯେ ଯାଜପୁରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସଭାର ସୁନାମୀ ଦେଖି ବିଜେଡି ଏକରକମର ଛାନିଆ ହୋଇଯାଇଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବିଚଳିତ, ଅସ୍ଥିର ହୋଇପଡ଼ିଛନ୍ତି ।ମେଣ୍ଟ ଆଲୋଚନା ହୋଇନାହିଁ ବୋଲି ବିଜେପି ରାଜ୍ୟସଭାପତି ମନମୋହନ ସାମଲ କହିସାରିଥିବା ପ୍ରଦୀପ କହିଛନ୍ତି । ତେବେ ୧୧୨ ସିଟ ଜିତିଥିବା ବିଜେଡି ମେଣ୍ଟ ହେବନି ବୋଲି ସିଧା କହୁନାହିଁ । ମେଣ୍ଟ ହେଲେ ପ୍ରଦୀପଙ୍କୁ ଟିକେଟ ଦେବନି ବୋଲି ସର୍ତ୍ତ ଥିବା ଚର୍ଚ୍ଚା ହେଉଛି ବୋଲି ପ୍ରଦୀପ ପାଣିଗ୍ରାହୀ କହିଛନ୍ତି ।