ନୂଆଦିଲ୍ଲୀ : ଆଜି ହେଉଛି ବଲିଉଡ ଦବଙ୍ଗ ଖାନ ସଲମାନ ଖାନ ଙ୍କ ଜନ୍ମଦିନ । ୫୬ ବର୍ଷ ବୟସରେ ପାଦ ଥାପିଛନ୍ତି ସଲମାନ୍ । ତାଙ୍କ ଜନ୍ମଦିନ ଅବସରରେ ଚାରିଆଡୁ ଫ୍ୟାନ୍ସମାନଙ୍କର ଶୁଭେଚ୍ଛାର ଶୁଅ ଛୁଟୁଛି ।
ପ୍ରତିବର୍ଷ ଭଳି ଚଳିତବର୍ଷ ମଧ୍ୟ ପାନଭେଲ ଫାର୍ମହାଉସରେ ପରିବାର ଓ ବନ୍ଧୁମାନଙ୍କ ସହ ଜନ୍ମ ପାଳନ ପାଇଁ ଯାଇଥିଲେ ସଲମାନ । କିନ୍ତୁ ଜନ୍ମଦିନ ପାଳନ କରିବାର ଗୋଟେଦିନ ପୂର୍ବରୁ ରବିବର ରାତିରେ ସଲମାନଙ୍କୁ ଏକ ସାପ କାମୁଡି ଦେଇଥିଲା । ଏହାପରେ ତାଙ୍କ ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା । ସ୍ୱାସ୍ଥ୍ୟରେ ଉନ୍ନତି ଆସିବା ପରେ ପରିବାର ସଦସ୍ୟଙ୍କ ସହ ଜନ୍ମଦିନ ପାଳନ କରିଥିଲେ ସଲମାନ । ଉତ୍ସବର ଅନେକ ଭିଡିଓ ଇଣ୍ଟରନେଟରେ ଘୁରିବା ଆରମ୍ଭ କଲା । ଗୋଟିଏ ଭିଡିଓରେ ସଲମାନ ଭଣଜା ଆୟତ, ଭଉଣୀ ଅରପିତା ଖାନ ଏବଂ ଆୟୁଷ ଶର୍ମାଙ୍କ ଝିଅ ସହିତ ଜନ୍ମଦିନର କେକ କାଟିଥିବାର ନଜର ଆସିଛନ୍ତି । ଛୋଟ ଆୟତ ତାଙ୍କ ଜନ୍ମଦିନ ମାମୁଁ ସଲମାନଙ୍କ ସହ ବାଣ୍ଟନ୍ତି । ଭିଡିଓରେ, ଅଭିନେତାଙ୍କ ଗୁଜବ ଗର୍ଲଫ୍ରେଣ୍ଡ ଇଉଲିଆ ଭାଣ୍ଟୁର ମଧ୍ୟ ନଜର ଆସିଥିଲେ – କେକ୍ କାଟିବା ଅଧିବେଶନରେ ସେ ସମସ୍ତେ ହସୁଥିଲେ ।
