ମସ୍କୋ: ରୁଷ୍-ୟୁକ୍ରେନ୍ ଯୁଦ୍ଧକୁ ୫୦ ଦିନ ବିତିଛି । ଏହାରି ଭିତରେ ୟୁକ୍ରେନ୍ ସମେତ ରୁଷ୍ର ଆର୍ଥିକ ବଳ ସମେତ ସେନା ବଳ ନାନା କ୍ଷତିଗ୍ରସ୍ତର ସମ୍ମୁଖୀନ ହୋଇଛି । ପ୍ରତିଶୋଧ ପରାୟଣ ହୋଇ ରୁଷ୍ ରାଷ୍ଟ୍ରପତି ଭ୍ଲାଦିମିର୍ ପୁଟିନ୍ ଏବଂ ଜେଲେନ୍ସସ୍କି ଉଭୟ ଉଭୟଙ୍କୁ ଟାର୍ଗେଟ୍ କରିବାରେ ଲାଗିଛନ୍ତି । ଏମିତିକି ଦୁଇ ଦେଶର ଜନତା ମଧ୍ୟ ପରସ୍ପର ବିରୋଧରେ ନାନା ହିଂସାପୂର୍ଣ୍ଣ ମନ୍ତବ୍ୟ ବି ଦେବାରେ ଲାଗିଛନ୍ତି । ଏବେ ଜଣେ ରୁଷୀୟ ମହିଳା ପୁଟିନ୍ ସେନାରେ ଥିବା ତାଙ୍କ ସ୍ୱାମୀଙ୍କୁ ଦେଇଥିବା ବୟାନ ଚର୍ଚ୍ଚାର ବିଷୟ ହୋଇଛି । ମହିଳା ଜଣକ ତାଙ୍କ ସ୍ୱାମୀଙ୍କୁ ୟୁକ୍ରେନ ମହିଳାଙ୍କୁ ବଳାତ୍କାର କରିବାକୁ କହିଛନ୍ତି। ଏହାସହ ନିଜର ଯତ୍ନ ନେବାକୁ କହୁଛନ୍ତି । ୟୁକ୍ରେନର ନ୍ୟୁଜ୍ ୱେବସାଇଟ୍ ୟୁକ୍ରେନ୍ଫର୍ମ ଡଟ୍ ନେଟ୍ରେ ପ୍ରକାଶ ପାଇଥିବା ଅଡିଓ ଖବର ଏବେ ସାମ୍ନାକୁ ଆସିବା ପରେ ବିଭିନ୍ନ ମହଲରେ ରୁଷ୍ର ନରସଂହାର ନୀତିକୁ ସମାଲୋଚନା କରାଯାଇଛି ।
ସୂଚନା ଅନୁସାରେ ୟୁକ୍ରେନର ସିକ୍ୟୁରିଟି ସର୍ଭିସର ଇଣ୍ଟରସେପ୍ଟରମାନେ ରୁଷର ଜଣେ ସୈନିକ ଏବଂ ତାଙ୍କ ପତ୍ନୀଙ୍କ ଫୋନ୍ ବାର୍ତ୍ତାଳାପ ରେକର୍ଡ କରିଛନ୍ତି ଜ୍ଝ ଏଥିରେ, ରୁଷୀୟ ମହିଳା ଜଣକ ତାଙ୍କ ସୈନିକ ସ୍ୱାମୀଙ୍କୁ ବଳାତ୍କାର ବିଷୟରେ କହୁଥିବା ଶୁଣିବାକୁ ମିଳିଛି । ତେବେ ଏହି କଥାବାର୍ତ୍ତାର ଅଡିଓ ଟେଲିଗ୍ରାମ ଚ୍ୟାନେଲରେ ମଧ୍ୟ ଭାଇରାଲ ହୋଇଛି । ଅଡିଓ କ୍ଲିପ୍ରେ ଦର୍ଶାଯାଇଛି ଯେ ଯୁଦ୍ଧକୁ ସମର୍ଥନ କରୁଥିବା ୮୦% ରୁଷୀୟ ୟୁକ୍ରେନ ମହିଳାଙ୍କ ବଳାତ୍କାରକୁ ଯଥାର୍ଥ ବୋଲି କହିଛନ୍ତି । ଡେଲି ମେଲ ରିପୋର୍ଟ ଅନୁଯାୟୀ, ଅଡିଓ କ୍ଲିପ୍ରେ ଜଣେ ରୁଷୀୟ ମହିଳା ତାଙ୍କ ସୈନିକ ସ୍ୱାମୀଙ୍କୁ ୟୁକ୍ରେନ ମହିଳାଙ୍କୁ ବଳାତ୍କାର କରିବାକୁ କହୁଥିବାର ଶୁଣିବାକୁ ମିଳେ। ମହିଳା ହସି ହସି ତାଙ୍କ ସ୍ୱାମୀଙ୍କୁ କୁହନ୍ତି ଯେ ମୋତେ କିଛି କହିବାର ଆବଶ୍ୟକତା ନାହିଁ । ଏହା ଉପରେ ସୈନିକ ସ୍ୱାମୀ ତାଙ୍କ ପତ୍ନୀଙ୍କୁ ଭଲ ଭାବରେ କୁହନ୍ତି, ମୁଁ ବଳାତ୍କାର କରିବା ଉଚିତ୍ ଏବଂ ଆପଣଙ୍କୁ କିଛି କହିବି ନାହିଁ । ରିପୋର୍ଟ ଅନୁଯାୟୀ, ରୁଷ୍ ସୈନିକ ତାଙ୍କ ପତ୍ନୀଙ୍କୁ ପଚାରିଛନ୍ତି ଯେ ମୁଁ ପ୍ରକୃତରେ କାହାକୁ ବଳାତ୍କାର କରିବା ଉଚିତ, ତେବେ ତାଙ୍କ ପତ୍ନୀ କୁହନ୍ତି ଯେ ହଁ ଆପଣ ନିଜ ନିରାପତ୍ତାରେ ଏହି ସବୁ କରିପାରିବେ। ୟୁକ୍ରେନ ରାଷ୍ଟ୍ରପତି ଭୋଲୋଡିମିର ଜେଲେନସ୍କି ରୁଷର ସୈନିକମାନଙ୍କୁ ଶତାଧିକ ମହିଳାଙ୍କୁ ବଳାତ୍କାର କରିବା ଏବଂ ପିଲାମାନଙ୍କୁ ଯୌନ ନିର୍ୟାତନା ଦିଆଯାଇଥିବା ଅଭିଯୋଗ ଏହି ଅଡିଓ ଆସିଥିଲା।
ଅପରପକ୍ଷେ ୟୁକ୍ରେନ୍ର ଜଣେ ୫୦ ବର୍ଷ ବୟସ୍କା ମହିଳା କହିଥିଲେ ଯେ ବନ୍ଧୁକ ଧରି ତାଙ୍କ ସ୍ୱାମୀଙ୍କ ଆଗରେ ଜଣେ ରୁଷ୍ ସୈନିକ ତାଙ୍କୁ ବଳାତ୍କାର କରିଥିଲେ। ପରେ ମହିଳାଙ୍କ ସ୍ୱାମୀଙ୍କୁ ମଧ୍ୟ ଗୁଳି କରି ହତ୍ୟା କରିଥିଲେ । ମହିଳା ଜଣକ କହିଥିଲେ ଯେ ରୁଷ୍ ସୈନିକମାନେ ଚାଲିଯିବା ପରେ ସେ ଡ୍ରଗ୍ସ ଏବଂ ଖାଲି ଭାଏଗ୍ରା ପାଇଥିଲେ ଏବଂ ସୈନିକମାନେ ସୈନିକ ନୁହନ୍ତି ସେମାନେ ହତ୍ୟାକାରୀ । ସେମାନେ ସର୍ବଦା ମଦ୍ୟପାନ କରନ୍ତି ।
ଋୁଷୀୟ ମହିଳାଙ୍କ ଭୟଙ୍କର ପ୍ରତିକ୍ରିୟା: ପୁଟିନ୍ ସୈନିକଙ୍କୁ କହୁଛନ୍ତି ୟୁକ୍ରେନୀୟ ମହିଳାଙ୍କୁ ବଳାତ୍କାର କର
