ଫୁଲବାଣୀ : ଏଥର ନାବାଳିକା ଦୁଷ୍କର୍ମକାରୀକୁ ୨୫ ବର୍ଷ ଜେଲ ଜେଲ ଦଣ୍ଡାଦେଶ ଦେଲେ ଫୁଲବାଣୀ ପୋକ୍ସୋ କୋର୍ଟ । ଏଥିସହିତ ୬୦ ହଜାର ଟଙ୍କାର ଫାଇନ । ତେବେ ୨୦୨୨ରେ ଘଟିଥିବା ଏହି ଘଟଣାରେ ଅଭିଯୁକ୍ତ ହେମନ୍ତ ମଲ୍ଲିକକୁ ୨୫ ବର୍ଷ ସଶ୍ରମ କାରାଦଣ୍ଡ ସହିତ ୬୦ ହଜାର ଟଙ୍କା ଜୋରିମାନାରେ ଦଣ୍ଡିତ କରିଛନ୍ତି ଫୁଲବାଣୀର ପୋକ୍ସୋ କୋର୍ଟ । ଜୋରିମାନା ଅନାଦେୟ ହେଲେ ଅଧିକ ୭ ମାସ କାରାଦଣ୍ଡାଦେଶ ଦେବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି । ସେହିପରି ପୀଡ଼ିତା ନାବାଳିକାକୁ ୭ ଲକ୍ଷ ଟଙ୍କା କ୍ଷତିପୂରଣ ଦେବାକୁ ଜିଲ୍ଲା ଆଇନସେବା ପ୍ରାଧିକରଣ ସଂସ୍ଥାକୁ ନିର୍ଦେଶ ଦେଇଛନ୍ତି କୋର୍ଟ ।ସୂଚନା ଅନୁଯାୟୀ , ଗାଁ ନିକଟ ଏକ ଜଙ୍ଗଲରେ ଭୋଜିରେ ଯୋଗଦେବା ପାଇଁ ଯାଇଥିଲେ ନାବାଳିକା ଜଣକ । ଭୋଜି ସରିବା ପରେ ପୀଡ଼ିତା ନାବାଳିକାଙ୍କୁ ଘରେ ଛାଡ଼ିଦେବାକୁ କହି ବାଟରେ ଦୁଷ୍କର୍ମ କରିଥିଲା ଅଭିଯୁକ୍ତ । କାହାକୁ କହିଲେ ମାରିଦେବା ପାଇଁ ଧମକ ମଧ୍ୟ ଦେଇଥିଲା ଅଭିଯୁକ୍ତ । ଏହି ଘଟଣା ସମ୍ପର୍କରେ ପୀଡ଼ିତା ମା’ ଜାଣିବା ପରେ ଏନେଇ ଥାନାରେ ଅଭିଯୋଗ ହୋଇଥିଲା । ଖଜୁରୀପଡ଼ା ପୋଲିସ ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରିଥିଲା । ଏହି ମାମଲାରେ ସମସ୍ତ ସାକ୍ଷ୍ୟ ପ୍ରମାଣ ଏବଂ ଡାକ୍ତରୀ ରିପୋର୍ଟ ଆଧାରରେ ପୋକ୍ସୋ କୋର୍ଟ ଏହି ଦଣ୍ଡାଦେଶ ଶୁଣାଇଛନ୍ତି।
ପୀଡ଼ିତାଙ୍କୁ ମିଳିବ ୭ ଲକ୍ଷ ଟଙ୍କା କ୍ଷତିପୂରଣ,ଦୁଷ୍କର୍ମକାରୀଙ୍କୁ ୨୫ ବର୍ଷ ଜେଲ ଦଣ୍ଡାଦେଶ : ଫୁଲବାଣୀ ପୋକ୍ସୋ କୋର୍ଟ
