ଚେନ୍ନାଇ : ଚେନ୍ନାଇରେ ଘଟିଛି ଭୟଙ୍କର ସଡକ ଦୁର୍ଘଟଣା । ଯେଉଁଥିରେ ଗୋଟିଏ ପରିବାରର ଦୁଇ ଜଣଙ୍କ ମୃତ୍ୟୁ ହୋଇଥିବାବେଳେ ପାଞ୍ଚ ଜଣ ଗୁରୁତର ଆହତ ହୋଇଛନ୍ତି । ସୂଚନା ଅନୁଯାୟୀ, ଶୁକ୍ରବାର ସକାଳ ସମୟରେ ଚେନ୍ନାଇ-ତ୍ରିଚି ଜାତୀୟ ରାଜପଥରେ ଚେଙ୍ଗାଲପେଟ ନିକଟରେ ଏକ ଟ୍ରକ କାର କୁ ଧକ୍କା ଦେବା ଫଳରେ ଦୁର୍ଘଟଣା ଘଟିଥିଲା । ତେବେ ଦୁର୍ଘଟଣାର ଶିକାର ହୋଇଥିବା ପରିବାର ଭିଲୁପୁରମ୍ ଜିଲ୍ଲାର ମେଲମାଲାୟାନୁର ମନ୍ଦିର ପରିଦର୍ଶନ କରି ଫେରୁଥିବା ସମୟରେ ଦୁର୍ଘଟଣା ଘଟିଥିବା ସୂଚନା ମିଳିଛି । ତେବେ ପରିବାର ଟି ଚେନ୍ନାଇର ଭାଲାସରାଭକ୍କମରେ ରହୁଥିବା ସୂଚନା ମିଳିଛି । ତେବେ କାରରେ ବିନୋଥ, ତାଙ୍କ ପତ୍ନୀ ଭୂଭାନ, ୭ ବର୍ଷୀୟ ପୁଅ ସଚିନ, ୩ ବର୍ଷୀୟ ଝିଅ ସିବିକା, ବିନୋଥଙ୍କ ଜେଜେମା, ମାଆ ଓ ଏକ ସମ୍ପର୍କୀୟ ଘରକୁ ଫେରୁଥିଲେ । ଚେନ୍ନାଇ-ତ୍ରିଚି ଜାତୀୟ ରାଜପଥର ପଦାଲମରେ ଏକ ଟ୍ରକ କାରକୁ ଅତିକ୍ରମ କରିବାକୁ ଚେଷ୍ଟା କରୁଥିବାବେଳେ ଧକ୍କା ହୋଇଥିଲା, ଫଳରେ କାରଟି ନିୟନ୍ତ୍ରଣ ହରାଇ ଓଲଟି ପଡିଥିଲା ।
