ଚମ୍ପାବତ୍ : ଉତ୍ତରାଖଣ୍ଡର ଚମ୍ପାବତ୍ ଜିଲ୍ଲାର ସୁପ୍ରସିଦ୍ଧ ପୂର୍ଣ୍ଣଗିରି ଧାମ ମେଳାରେ ନବରାତ୍ରୀର ଦ୍ୱିତୀୟ ଦିନ ଗୁରୁବାର ଏକ ସଡ଼କ ଦୁର୍ଘଟଣା ଘଟି ୫ ଜଣ ଲୋକଙ୍କର ମୃତ୍ୟୁ ଘଟିଛି । ମେଳା ଅଞ୍ଚଳରେ ସ୍ଥାପିତ ବସ୍ଷ୍ଟାଣ୍ଡ୍ରୁ ଯାତ୍ରୀଙ୍କୁ ନେଇ ଯାଉଥିବା ଏକ ବସ୍ ନିୟନ୍ତ୍ରଣ ହରାଇ ତୀର୍ଥଯାତ୍ରୀଙ୍କ ଉପରେ ମାଡ଼ିଯାଇଥିଲା ।
ଏଥିରେ ୩ ଜଣଙ୍କର ଘଟଣାସ୍ଥଳରେ ମୃତ୍ୟୁ ଘଟିଥିବା ବେଳେ ଅନ୍ୟ ଦୁଇଜଣ ଚିକିତ୍ସା ବେଳେ ପ୍ରାଣ ହରାଇଛନ୍ତି । ଦୁର୍ଘଟଣାରେ ୭ ଜଣ ଯାତ୍ରୀ ଗୁରୁତର ଭାବେ ଆହତ ହୋଇଛନ୍ତି । ଏହି ଘଟଣା ସକାଳେ ଘଟିଥିବା ବେଳେ ମୁଖ୍ୟମନ୍ତ୍ରୀ ପୁଷ୍କର ସିଂହ ଧାମି ଏଥିରେ ରୋଷବ୍ୟକ୍ତ କରିବା ସହିତ ଦୁର୍ଘଟଣାର ଶିକାର ତୀର୍ଥଯାତ୍ରୀଙ୍କ ଯଥାସମ୍ଭବ ସହାୟତା ପାଇଁ ନିର୍ଦ୍ଦେଶ ଦେଇଛନ୍ତି ।
